ដោយ ៖ រ៉ាយភុន
ស្ថិតក្នុងគោលនយោបាយ អភិវឌ្ឍន៍របស់ប្រមុខរាជរដ្ឋាភិ បាលនៅតាមតំបន់ជនបទដែល ធ្លាប់តែហែកហួរដោយសង្គ្រាម ត្រូវបានក្រុមឈ្មួញទុច្ចរិតដែល តែងតែឆ្លៀតឱកាសស្វែងរក ផលប្រយោជន៍ពីការអភិវឌ្ឍន៍ ប្រើគ្រប់វិធីពិសេសគឺការឃុប ឃិតជាមួយសមត្ថកិច្ចនិងអាជ្ញា ធរដើម្បីរំលោភបំពានលើពល រដ្ឋទន់ខ្សោយ ។ ជាក់ស្តែងពល រដ្ឋដែលរស់នៅភូមិ សង្គមថ្មី ភូមិកណ្តាល និងភូមិឯកភាព ក្នុងឃុំថ្មដា រងការប្រើកម្លាំង សមត្ថកិច្ចតាមបញ្ជារបស់ក្រុម ហ៊ុនឧកញ៉ា ទ្រី ភាព ឈូស ឆាយដីចំការផ្ទះសម្បែងពួក គាត់យ៉ាងមហាព្រៃផ្សៃបន្ទាប់ ពីរាជរដ្ឋាភិបាលអភិវឌ្ឍន៍បើក ច្រកព្រំដែននៅតំបន់ នោះ។
ដោយការរំលោភបំពានពី ក្រុមហ៊ុន MDS របស់ឧកញ៉ា ទ្រី ភាព ប្រើកម្លាំងសមត្ថកិច្ច និងអាជ្ញាធរឱ្យទទួលយកផល ប្រយោជន៍នេះហើយទើបមាន កិច្ចអន្តរាគមន៍ពីលោក ងឹម ញេង អ្នកតំណាងរាស្ត្រមណ្ឌល ពោធិ៍សាត់ចុះអន្តរាគមន៍ស្វែង រកយុត្តិធម៌ជូនប្រជាពលរដ្ឋនៅ ឃុំថ្មដា ។ ទោះបីថា កិច្ចអន្តរា គមន៍រយៈកាលកន្លងមកពីតំណាងរាស្ត្រ រហូតមានការ ហាមឃាត់មិនឱ្យតំណាងរាស្ត្រ ចូលជួបប្រជាពលរដ្ឋដែលរង គ្រោះ ព្រោះនៅក្នុងទឹកដីខេត្ត ពោធិ៍សាត់ ក្រោមអំណាចអភិ បាលខេត្ត ម៉ៅ ធនិន បច្ចុប្បន្ន គឺបាននឹងកំពុងអនុវត្តស្វែងរក ផលប្រយោជន៍ដោយពុំគិតពី សុខទុក្ខរាស្ត្រពិតប្រាកដឡើយ ។
ដោយមើលឃើញពីស្ថាន ការណ៍តានតឹងនៅក្នុងទឹកដី ខេត្តពោធិ៍សាត់ក្រោមអំណាច គណៈបញ្ជាការឯកភាព លោក ម៉ៅ ធនិន នេះហើយ ទើបលោក ងឹម ញេង តំណាង រាស្ត្រមណ្ឌលខេត្តពោធិ៍សាត់ ដាក់ពាក្យបណ្តឹងទៅក្រសួង មហាផ្ទៃ តាមរយៈលោក ហេង សំរិន ប្រធានរដ្ឋសភា ជាតិដើម្បីផ្អាកការឈូសឆាយ យកដីពលរដ្ឋពីក្រុមហ៊ុន MDS តទៅទៀត ។ ព្រោះការប្រើ កម្លាំងសមត្ថកិច្ចមករំលោភ យកដីរាស្ត្រឆៅៗពីក្រុមហ៊ុន MDSបែបហ្នឹងគឺវាបានបង្ហាញ ពីចេតនារំលោភច្បាប់រួចស្រេច ទៅហើយទើបក្រសួងមហាផ្ទៃ ចេញលិខិតជូនអភិបាលខេត្តចុះ អន្តរាគមន៍ផ្អាការឈូសឆាយ បណ្តោះអាសន្នរបស់ ក្រុមហ៊ុន MDS នៅភូមិសង្គមថ្មី ភូមិ កណ្តាល និងភូមិឯកភាព ក្នុង ឃុំថ្មដា ស្រុកវាលវែង ខេត្ត ពោធិ៍សាត់ ។
ប្រជាពលរដ្ឋនៅឃុំថ្មដា ក្នុងស្រុកវាលវែងបានសម្តែងក្តី អស់សង្ឃឹមថា បើរាជរដ្ឋាភិ បាលអភិវឌ្ឍន៍មូលដ្ឋានដើម្បី ផ្តល់ផលប្រយោជន៍ទៅឱ្យក្រុម ឧកញ៉ាដូចករណីរំលោភបំពាន ពីក្រុមហ៊ុន MDS របស់ឧកញ៉ា ទ្រី ភាព ទេនោះ ពិតជាពុំអាច កាត់បន្ថយភាពក្រីក្រជូនពលរដ្ឋ បាននោះឡើយ ។ ព្រោះផល ប្រយោជន៍ជាក់ស្តែងគឺបានតែ ទៅឧកញ៉ា ទ្រី ភាព ដែលមាន ទ្រព្យធនស្តុកស្តម្ភស្រាប់ឯរាស្ត្រ ក្រលំបាកគឺទទួលរងនូវការបាត់ បង់ដីបង្កបង្កើនផលរួមទាំងផ្ទះ សម្បែងគឺពិតជាបានជម្រុញឱ្យ ភាពក្រីក្រកាន់តែមានស្ថាន ភាពដុនដាបជាងមុនក្រោមរូប ភាពអភិវឌ្ឍន៍ធ្វើផ្លូវនិងបើក ច្រកព្រំដែនដោយមិនអាចប្រកែកបានឡើយ ៕
