ដោយ ៖ ជាតិ
គម្រោងសាងសង់ទំនប់ ទាំង ៨កន្លែង ដែលជាជំនួយ របស់ធនាគារអភិវឌ្ឍន៍អាស៊ី ឌៅពដែលសម្រេចដាក់ឱ្យដេញ ថ្លៃ នៅថ្ងៃទី ១៥ ខែមីនា ឆ្នាំ ២០១៥ នៅក្រសួងធនធានទឹក ហាក់បង្ហាញសញ្ញាអវិជ្ជមាន តាមរយៈនៃការបិទបាំងពីមន្ត្រី ប្រធានគម្រោងនៃក្រសួងធន ធានទឹកដែលជាហេតុធ្វើឱ្យ មានការរិះគន់ចំៗថាជាករណី ដេញថ្លៃចងមុងដើម្បីកើបយក ផលប្រយោជន៍ ។ ព្រោះបើ ផ្អែកលើគោលការណ៍ម្ចាស់ គម្រោង ឌៅព គឺតម្រូវឱ្យមាន ការផ្សព្វផ្សាយផ្តល់ដំណឹងឱ្យ ក្រុមហ៊ុនដែលបំណងចូលមក ដេញថ្លៃរយៈពេលមួយខែជា មុនដោយតម្រូវឱ្យក្រុមហ៊ុនមាន បទពិសោធន៍រយៈពេល ៥ឆ្នាំ ក្នុងការសាងសង់ទំនប់យ៉ាង តិចហើយតម្រូវឱ្យមកទិញពាក្យ ដេញថ្លៃ ៥៥ដុល្លារ ។
ប៉ុន្តែរឿងដែលចម្លែកនោះ គឺមន្ត្រីប្រធានគម្រោងក្នុងក្រសួងធនធានទឹកហាក់មានចេតនា បិទបាំងព័ត៌មានដេញថ្លៃដើម្បី ឃុបឃិតជាមួយក្រុមហ៊ុនមួយ ចំនួនដែលខ្លួនរំពឹងថាអាចស្វែង រកផលប្រយោជន៍ផ្ទាល់ខ្លួនទៅ វិញ ។
ប្រភពច្បាស់ការណ៍មួយ បានធ្វើការអះអាងយ៉ាងច្បាស់ ក្រឡាញថា ទោះបីមានការ ផ្សព្វផ្សាយស្តីពីការដេញថ្លៃនៅ ក្នុងកាសែតក្នុងស្រុកដ៏ធំមួយ តាមការកំណត់ក្តី ប៉ុន្តែធាតុពិត គឺគ្រាន់តែប្រើបច្ចេកវិជ្ជាមក ក្លែងបន្លំធ្វើជាភស្តុតាងឱ្យម្ចាស់ ជំនួយគេបានឃើញតែប៉ុណ្ណោះ ព្រោះនៅក្នុងលេខកាសែត ដែលចេញផ្សាយនៅថ្ងៃនោះ គឺមិនមានចុះផ្សាយពីគម្រោង ដាក់អោយដេញថ្លៃនោះឡើយ (INVITATION FOR BIDS)។
ដោយមើលឃើញពីចេតនា បិទបាំងរបស់មន្ត្រីប្រធានគម្រោង ក្នុងក្រសួងធនធានទឹកប្រើអា វិធីដេញថ្លៃចងមុងដើម្បីស្វែង រកលាភសក្ការៈនេះហើយទើប រយៈកាលកន្លងមកមានទំនប់ មួយចំនួនរងការបាក់ធ្លាយដូច ករណីទំនប់អាងកំពីងពួយនៅ ខេត្តបាត់ដំបង ជាភស្តុតាង ស្រាប់ ។ ព្រោះបើផ្អែកលើការ កំណត់តាមការដេញថ្លៃពិត ណាស់ថាក្រុមហ៊ុនសាងសង់ ពិតជាមានលទ្ធភាពធានាលើ គុណភាពទំនប់សំណង់ប្រកប ដោយការទទួលខុសត្រូវបាន ។ ប៉ុន្តែបើការដេញថ្លៃត្រូវយក ទៅបែងចែកតាមការបិទបាំង ព័ត៌មានដូចករណីដែលមន្ត្រី ប្រធានគម្រោងក្រសួងធនធាន ទឹកកំពុងអនុវត្តតាមរបៀបបិទ បាំងព័ត៌មាននាពេលនេះគឺពិត ជាមិនអាចធានាបានលើគុណ ភាពសំណង់នោះឡើយ ។
ម្យ៉ាងវិញទៀត ម្ចាស់គម្រោង ដែលផ្តល់ដោយធនាគារអភិវឌ្ឍន៍អាស៊ី ADB គឺពិតជាមាន ការខកចិត្តដែលតម្រូវឱ្យមាន ការស៊ើបអង្កេតយ៉ាងដិតដល់ បំផុតពីស្ថាប័នអង្គភាពប្រឆាំង អំពើពុករលួយ ។
ផ្អែកតាមប្រភពដែលគួរ ឱ្យជឿទុកចិត្តបានលើភាពមិន ប្រក្រតីចំពោះករណីដេញថ្លៃ របស់មន្ត្រីប្រធានគម្រោងនៃ ក្រសួងធនធានទឹកគឺពិតជាមិន ពីបាកស្វែងរកការពិតមកបញ្ជាក់ នោះឡើយ ព្រោះមានចំណុច ជាច្រើនដែលអាចលើកយក មកធ្វើការផ្ទៀងផ្ទាត់ ដោយ សារព័ត៌មាន ជាតិ ហ៊ានធានា ថាការប្រើព័ត៌មានក្លែងបន្លំ ដើម្បីបិទបាំងការពិតនឹងត្រូវ លាតត្រដាងឱ្យបានច្បាស់នៅ លេខចេញផ្សាយខាងមុខជាក់ ជាមិនខាន ៕
