ដោយ ៖ ដារី
កាលពីថ្ងៃទី ១៩ ខែមិថុនា ឆ្នាំ២០១៥ នៅចំណុចភូមិសំរ៉ង ចាស់ ឃុំស្វាយជ្រះ ស្រុកស្នួល ខេត្តក្រចេះ គេប្រទះឃើញរថ យន្តយីឌុបប្រភេទកង់ ១៨ បាន ចតដាក់ឈើប្រណីតពេញឡាន ដោយសូម្បីនៅពីក្រោមឡានក៏ មានស៊កប្រភេទឈើប្រណីត ឡើងណែនផងដែរ ។ ឡានយី ឌុបផ្ទុកឈើប្រណីតដាក់ពេញ ទាំងលើពេញទាំងក្រោមមួយ គ្រឿងនេះត្រូវបានគេស្គាល់ថា ជាឡានដឹកឈើរបស់ឧកញ៉ា ថៃ ដែលរកស៊ីឈើប្រណីតដុះ ស្លែនៅខេត្តក្រចេះទៅហើយ ។
ទោះបីជារថយន្តយីឌុបនេះ ចតស្តុកឈើទុកពេញឡានទាំង ថ្ងៃក៏គេសង្កេតឃើញថា ពុំ ឃើញមានសមត្ថកិច្ចជំនាញឬ កម្លាំងកងរាជអាវុធហត្ថស្រុក -ខេត្ត ចុះមកសួរនាំឡើយហាក់ បង្ហាញឱ្យដឹងថា មុនការដឹក ឈើចេញគឺម្ចាស់ឈើបានទំនាក់ ទំនងជាមួយមន្ត្រីជំនាញនិង កម្លាំងសមត្ថកិច្ចក្នុងខេត្តក្រចេះ រួចស្រេចទៅហើយ ។ ចំពោះ អ្នកសារព័ត៌មានវិញ សម្រាប់ ខេត្តក្រចេះ ក៏រិតតែមានការ លំបាកព្រោះទាំងសមត្ថកិច្ច ជំនាញនិងអាជ្ញាធរខេត្តហាក់ ចាត់ទុកអ្នកសារព័ត៌មានជាឆ្អឹង ទទឹងក បើហ៊ានរាយការណ៍គឺ អាចជាប់ពាក់ព័ន្ធពីបទកំហែង អាចចាប់ដាក់គុកបួនប្រាំខែលេង ឱ្យបាក់ស្បាតរាងចាលទៅ ។
បច្ចុប្បន្ននេះ ពាក្យថា ឧក្រិដ្ឋ កម្មព្រៃឈើគឺមានចែងតែនៅ ក្នុងច្បាប់តែប៉ុណ្ណោះដូចករណី កន្លងមកមានការឃាត់រថយន្ត ដឹក ឈើឧកញ៉ា ឆាយ ជ្រាយ នៅក្នុងទឹកដីខេត្តក្រចេះនេះដែរ ប៉ុន្តែគេមិនដែលឃើញអូស ក្បាលឧកញ៉ាណាម្នាក់យកមក កាត់ទោសនោះឡើយ។ ម្យ៉ាង វិញទៀត ឧកញ៉ាស្រុកខ្មែរភាគ ច្រើនគឺកើតចេញពីបទឧក្រិដ្ឋ កម្មព្រៃឈើ ហើយបើព្រះរាជ ក្រិត្យតែងតាំងឧកញ៉ាចេញពី បទឧក្រិដ្ឋទៅហើយនោះ តើ មានអ្នកណាថ្លើសពាសមេឃ ហ៊ានប្រើឆន្ទានុសិទ្ធិទៅបង្ក្រាប ឧក្រិដ្ឋជនព្រៃ ឈើបានទៅ ។
ជាក់ស្តែងឡានយីឌុបរបស់ ឧកញ៉ា ថៃ ដែលផ្ទុកឈើប្រណីតពេញឡានចតនៅចំណុច ភូមិសំរ៉ងចាស់ ក្នុងឃុំស្វាយ ជ្រះទាំងកណ្តាលថ្ងៃ ដោយ សូម្បីតែសមត្ថកិច្ចជិះកាត់ហើយ ឃើញក៏មិនហ៊ានទាំងសួរនាំ ថែមទៀតផង ព្រោះអាពាក្យ ថា ចូលរួមទាំងប្រជាពលរដ្ឋនិង សមត្ថកិច្ចរួមទាំងអាជ្ញាធរដែន ដីនិងអ្នកសារព័ត៌មានទើបអាច ការពារព្រៃឈើបានវាគ្រាន់តែ ជាទ្រឺស្តីឱ្យល្អស្តាប់តែប៉ុណ្ណោះ ដោយធាតុពិតគឺការចូលរួមទប់ ស្កាត់អាចមានគ្រោះថ្នាក់ដល់ ខ្លួនថែមទៀតផង មិនថាផ្លូវ ច្បាប់ឬផ្លូវងងឹតស្អីនោះទេទាន ?… ៕
