ដោយ ៖ ជាតិ
ប្រភពនៃការចាប់ផ្តើមឱ្យ មានរូបរាងជាបក្សប្រឆាំងពិត ប្រាកដ ស្របពេលដែលលោក សម រង្ស៊ី ត្រូវបានបណ្តេញចេញ ពីរដ្ឋមន្ត្រីក្រសួងសេដ្ឋកិច្ចនិង ហិរញ្ញវត្ថុ រហូតមានការដក តួនាទីនៅក្នុងគណបក្សហ្វ៊ុន ស៊ិនប៉ិច ដោយសម្តេចក្រុមព្រះ ដែលជាហេតុធ្វើឱ្យលោក សម រង្ស៊ី ត្រូវបាត់បង់តួនាទីជាតំណាងរាស្ត្រទើបមានការបង្កើត គណបក្សជាតិខ្មែរដោយលោក សម រង្ស៊ី ហើយទទួលបានអាសនៈ ១៥ កៅអី រដ្ឋសភានៅ អាណត្តិទី ២ ។ ដោយមើល ឃើញភាពលេចធ្លោរបស់គណបក្សជាតិខ្មែរ ទើបមជ្ឈដ្ឋាន អ្នកនយោបាយនិងសារព័ត៌មាន ដាក់រហស្សនាមថា លោក សម រង្ស៊ី ជាមេបក្សប្រឆាំង រហូតមក ។
ទោះបីថាគណបក្សថ្មីបាន បង្កើតឡើងជាច្រើននៅអាណត្តិ ទី ៣ និងទី ៤ ក៏គេសង្កេត ឃើញបក្សទាំងនោះហាក់ពុំមាន មហិច្ឆតាក្នុងការដឹកនាំប្រទេស ពិតប្រាកដឡើយ បើទោះបីក្នុង គោលនយោបាយបក្សបង្កើតថ្មី ទាំងនោះប្រកាសអះអាងថា ខ្លួន នឹងដឹកនាំរដ្ឋាភិបាលនៅ អាណត្តិក្រោយក្តី ប៉ុន្តែធាតុពិត គឺពុំឃើញមានបក្សទាំងនោះ ឃោសនាយកប្រៀបលើបក្ស ឈ្នះឆ្នោត កាន់អំណាចឡើយ ដោយផ្តោតតែទៅលើបក្ស ប្រឆាំងចាញ់ឆ្នោតតែប៉ុណ្ណោះ ។
ជាក់ស្តែងគណបក្ស ដែល ប្រើមនោគមន៍វិជ្ជានយោបាយ ដែលមនុស្សមានអាយុចាប់ពី ជាង៥០ឆ្នាំឡើង ប្រៀបប្រដូច ទៅនឹងមនោគមន៍ខ្មែរក្រហម ប៉ុល ពត ស្មើសិទ្ធិ ស្មើអំណាច នោះក៏ឃើញតែឃោសនាវាយ ប្រហារមកលើបក្សប្រឆាំងចាញ់ ឆ្នោតជាចម្បងផងដែរ ។
បើផ្អែកលើសុឆន្ទៈដែល លោក ខឹម វាសនា ប្រធាន គណបក្សសម្ព័ន្ធដើម្បីប្រជាធិប តេយ្យតែងតែរំលឹកគំរូដឹកនាំ របស់ លោកស្រី ហ្គោ ដាម៉ែរ៍ អតីតនាយករដ្ឋមន្ត្រីអ៊ីស្រាអ៊ែល ឬ លី ខ្វាន់យូ នាយករដ្ឋមន្ត្រី សឹង្ហបុរី តើចាំបាច់អីត្រូវធ្វើ នយោបាយវាយលុកមកលើ បក្សប្រឆាំងចាញ់ឆ្នោតនោះ។ ព្រោះបើបក្សសម្ព័ន្ធដើម្បីប្រជា ធិបតេយ្យបោះឆ្នោតក្នុងអាណត្តិ ទី ៦ មាន កៅអីក្នុងសភាឈ្នះ បក្សប្រឆាំងសង្គ្រោះជាតិតែ ចាញ់គណបក្សឈ្នះឆ្នោតបច្ចុប្បន្ន តើលោក ខឹម វាសនា គាត់អាចតាំងខ្លួនថា ហ្គោ ដា ម៉ែរ៍ ឬ លី ខ្វាន់យូ បានដោយ របៀបណា… ! ។
មានការគិតបែបសាមញ្ញ ថា បើគ្រាន់តែធ្វើគណបក្ស ដើម្បីតែប្រកួតជាមួយបក្ស ចាញ់ឆ្នោតទៅហើយនោះគឺ លក្ខណៈសម្បត្តិពិតប្រាកដរបស់ មេបក្សនោះពុំមានចេតនាដឹក នាំប្រទេសស្អីនោះឡើយដូច ពាក្យគេថា បើរៀនចង់បាន លេខ ១ ទាល់តែខំប្រកួតជាមួយ អ្នកដែលកំពុងជាប់ចំណាត់ ថ្នាក់លេខ ១ មិនមែនទៅប្រកួត ជាមួយអ្នកជាប់លេខ២ ទទួល បាន លេខ ១ នោះទេ ។ វារឹត តែបង្ហាញឱ្យឃើញកាន់តែ ជ្រៅថែមទៀត សម្រាប់អ្នក នយោបាយបើសិនជាប្រើវោហា ស័ព្ទចង់ឈ្នះតែជាមួយបក្ស ចាញ់ទេ គឺគ្មានអ្វីក្រៅពីដើម្បី អំណាចដែលអ្នកឈ្នះគេផ្តល់ឱ្យ នោះឡើយ (ច្សិ) ។
រយៈកាលកន្លងមក មានការផ្សំផ្គុំបង្កើតបក្សដោយក្រុម បណ្ឌិត ក្នុងនោះរួមមានលោក យ៉ង់ សាំងកុមា ប្រធានអង្គការ សេដាក, លោកបណ្ឌិត កែម ឡី និងលោក ម៉ម សូណង់ដូ ដោយអះអាងថាបក្សប្រឆាំង សង្គ្រោះជាតិក្បត់ឆន្ទៈរាស្ត្រ ។ បើស្តាប់មួយភ្លែតឮក្រុមបណ្ឌិត ទាំង៣ខាងលើលើកយកបញ្ហា ជាតិមកអះអាងដូចជាខ្លួនពិត ជាស្នេហាជាតិខុសពីបក្ស សង្គ្រោះជាតិពិតប្រាកដមែន !
តែទីបំផុតទំនងជាបែងចែក អំណាចប្រធានបក្សអត់ដាច់ ទើបឃើញលោក ម៉ម សូណង់ដូ ទៅបង្កើតបក្សសំបុកឃ្មុំសង្គម ប្រជាធិបតេយ្យ ឯចំណែក លោក កែម ឡី ទៅជាបង្កើត បក្សមូលដ្ឋានឆ្កុយបោះគាត់ទៅ។
ចំណែកលោកបណ្ឌិត យ៉ង សាំងកុមា ដែលធ្លាប់ចេញមុខ ចេញមាត់ថា ឱ្យតែគេបង្កើត បក្សថ្មី គឺបក្សប្រឆាំងចាត់ទុក ជាបក្សអាយ៉ងក៏ស្ងាត់បាត់ ឈឹងទៅទៀត ។ បើការផ្សំផ្គុំ គ្នាមិនទាំងទាន់ស្វែងរកបាន ការគាំទ្រមួយកៅអីផង ក៏ត្រូវ ចែកផ្លូវគ្នាជាពីរជាបី ព្រោះ តែអំណាចប្រធានបក្សទៅ ហើយនោះតើបំណងពិតប្រាកដរបស់លោក ម៉ម សូណង់ដូ គាត់ចង់បានអ្វីឱ្យពិតប្រាកដ ។
បើលោក ម៉ម សូណង់ដូ ពិតជាមានជំនឿថា អាណត្តិទី ៦ ខាងមុខ គាត់ពិតជាឈ្នះ ឆ្នោតមែនតើគាត់ហ៊ានយកវិទ្យុ សំបុកឃ្មុំរបស់គាត់ មកដាក់ ភ្នាល់ដែរឬអត់ព្រោះល្មមដល់ ពេលបោះឆ្នោតឆ្នាំ២០១៨ គឺ អាយុគាត់ កើនដល់ ៨០សិប ប្លាយទៅហើយ ។
វាពិតជាគ្មានអ្វីគួរឱ្យឆ្ងល់ នោះទេទោះបីថា មុនការបោះ ឆ្នោត គឺសន្លឹកឆ្នោតវាស្ថិតក្នុង ដៃប្រជាពលរដ្ឋគ្រប់រូប ក៏ពិត មែន ! ប៉ុន្តែអ្វីដែលគេអាចដឹង មុនបាន គឺពិតជាមានភាពលំ អៀងតិចតួចណាស់ ។ ទោះបី ថាប្រជាពលរដ្ឋខ្មែរខ្លះបានត្រឹម ជាអ្នកគាំទ្រនយោបាយមិន ពាក់ព័ន្ធទៅក្នុងក្របខណ្ឌបក្ស ណាមួយក្តីក៏អាចដាក់ការសន្និ ដ្ឋានបានដែរថាអ្នកនយោបាយ បច្ចុប្បន្នមិនគួរឱ្យតម្លៃដែលពួក គាត់មិនអាចទទួលយកបាន នោះឡើយ ៕
