ដោយ ៖ ព្រាន អមលាំង
បន្ទាប់ពីមានការចុះផ្សាយ តាមប្រព័ន្ធទូរទស្សន៍ជាច្រើន ពាក់ព័ន្ធជាមួយមេឈ្មួញឈើ ឈ្មោះ ឌី ដែលតែងតែធ្វើសកម្ម ភាពដឹកប្រភេទឈើប្រណីត មកពីខេត្តពោធិ៍សាត់ឆ្លងកាត់ ចំណុចផ្លូវស្ពានដែក ស្រុកឱរ៉ាល់ បានដោយសេរី ក៏ផ្ទុះប្រតិកម្ម ចេញពីស្នងការនគរបាលខេត្ត កំពង់ស្ពឺតម្រូវឱ្យមេឈ្មួញឈ្មោះ ឌី ចូលខ្លួនទៅបំភ្លឺ ប៉ុន្តែតាម ការឱ្យដឹងពីប្រភពផ្សេងៗគឺមេ ឈ្មួញឈើដុះស្លែឈ្មោះ ឌី មិន បានចូលទៅបំភ្លឺឡើយ ហើយ បានគេចខ្លួនទៅខេត្តកំពង់ចាម មួយរយៈរង់ចាំឱកាសស្ងប់ស្ងាត់ ក៏ស្រាប់តែលេចមុខមេឈ្មួញ ឈើឈ្មោះ ឌី មកវាតទីកាង ឈើនៅតាមស្ពានដែកនិងផ្លូវ ជាំមកសំរោង ក្នុងស្រុកឱរ៉ាល់ ដោយពុំឃើញមានសមត្ថកិច្ច ណាហ៊ានចុះបង្ក្រាបឡើយ ។
ប្រភពពីអ្នករកស៊ីឈើតាម ចំការបានឱ្យដឹងថា ឈ្មោះ ឌី ដែលអាចដឹកឈើចេញពីខេត្ត ពោធិ៍សាត់ឆ្លងកាត់ស្រុកឱរ៉ាល់ បានដោយគ្មានសមត្ថកិច្ចណា ហ៊ានមកហាមឃាត់ព្រោះមាន ខ្នងបង្អែកការពារពីលោក ប៊ុត ប៊ុនធឿន អធិការស្រុកឱរ៉ាល់ ។
ប្រភពបានបន្តទៀតថារយៈ កាលកន្លងមកដែលមេឈ្មួញ ឈើឈ្មោះ ឌី តែងធ្វើសកម្ម ភាពដឹកឈើប្រណីតហើយ ផ្គើនទៅនឹងអ្នកសារព័ត៌មាន ទូរទស្សន៍ដោយប្រកាសឱ្យថត ចុះផ្សាយម៉ាសេរីផងនោះគឺត្រូវ បានគេអះអាងថាផលចំណេញ ពីបទល្មើសព្រៃឈើ គឺមាន ចំណែកជាមួយអធិការស្រុក ឱរ៉ាល់ផងដែរ ទើបភាពក្រអឺត ក្រទមរបស់មេឈ្មួញបទល្មើស ព្រៃឈើរូបនេះប្រើសំដីថ្លោស ដាក់អ្នកសារព័ត៌មានបែបហ្នឹង បាន ។
មិនដឹងថា នៅស្រុកខ្មែរអា ប្រភេទមេឈ្មួញបទល្មើសព្រៃ ឈើដែលប្រើកម្លាំងសមត្ថកិច្ច ធ្វើជាខ្នងបង្អែកបែបហ្នឹងពេល ណារដ្ឋអាចមានវិធានការ បង្ក្រាបឱ្យផុតរលត់អស់ទៅ ។ ទំនងជាស្រុកខ្មែរអស់ព្រៃឈើ ហើយមើលទៅទើបក្រញ៉ាំ វិធានការក្តៅរបស់ប្រមុខរាជ រដ្ឋាភិបាល អាចមានប្រសិទ្ធ ភាពពិតប្រាកដព្រោះបើក្រឡេក មើលព្រៃភ្នំនៅក្នុងស្រុកឱរ៉ាល់បច្ចុប្បន្ន គឺត្រង៉ោលអស់ហើយ ទើបឆ្លងទៅបន្តកាប់បំផ្លាញ ដឹកជញ្ជូនចេញពីខេត្តពោធិ៍សាត់ ដូចពេលបច្ចុប្បន្ននេះ ។
ព្រោះបើនិយាយដល់ប្រវត្តិ ស្រុកឱរ៉ាល់ គឺអតីតកាលជា តំបន់ព្រៃស្តុក ៧៥ភាគរយទៅ ហើយ ប៉ុន្តែដោយមានកិច្ចការ ពារពីមន្ត្រីជំនាញមេព្រៃនិងបរិ ស្ថានរួមទាំងកម្លាំងសមត្ថកិច្ច កងរាជអាវុធហត្ថនិងនគរបាល ផងនោះ ទើបព្រៃឈើក្នុង ស្រុកឱរ៉ាល់ ត្រូវបាត់បង់អស់ ៩០ភាគរយទៅហើយនាពេល បច្ចុប្បន្ននេះ ។ ព្រោះហេតុផល ជាក់លាក់ដែលបង្កឱ្យដែនជម្រក សត្វព្រៃក្នុងស្រុកឱរ៉ាល់ត្រូវបាត់ បង់ដូចសព្វថ្ងៃនេះគឺពិតជាមិន អាចប្រកែកបានថាទាំងសមត្ថ កិច្ចជំនាញនិងកម្លាំងនគរបាល បាននឹងកំពុងស្វែងរកផលប្រយោជន៍ក្រោមរូបភាពអំណាច ការពារបទល្មើសព្រៃឈើដូច ករណីមេឈ្មួញឈើឈ្មោះ ឌី ជាភស្តត្ត៉ាងស្រាប់ ៕
