ដោយ ៖ ឆ្មាំប៉ោយប៉ែត
នៅទឹកដីក្រុងប៉ោយប៉ែត ទោះបីថា អាជ្ញាធរក្រុងបាន បង្កើតបេនឡានក្រុងដ៏ធំរួម ទាំងចំណតរថយន្តតាក់ស៊ីក្តី ក៏ ស្ថានភាពឆ្លៀតឱកាសពីសមត្ថ កិច្ចចរាចរណ៍ក្រុងប៉ោយប៉ែត ក្រោមអំណាចលោក សៅ សារឿន នៅតែបន្តធ្វើ ព្យុះធ្វើ ភ្លៀងជម្រិតយកលុយពីរថយន្ត តាក់ស៊ីនិងរថយន្តដឹកទំនិញ យ៉ាងសកម្មផងដែរ ។ ប្រជា ពលរដ្ឋក៏ដូចជា អ្នករត់តាក់ស៊ី និងរថយន្តដឹកទំនិញគ្រប់ប្រភេទ ដែលសង្កេតឃើញក្រុមប៉ូលិស ចរាចរក្រុងប៉ោយប៉ែតក្រោម អំណាច លោក សៅ សារឿន វាតទីចាប់ពីរង្វង់មូលក្រុងប៉ោយ ប៉ែតតាមបណ្តោយផ្លូវជាតិ លេខ ៥ ដោយតម្រូវឱ្យតាក់ស៊ី ខ្នាតតូចមួយគ្រឿង បង់ប្រាក់ ឱ្យខ្លួន ៥០០០រៀល រួមទាំង ឡានក្រុងនិងឡានដឹកទំនិញ ដែលឆ្លងកាត់ត្រូវបង់ឱ្យប៉ូលិស ចរាចរណ៍រហូតដល់រាប់ម៉ឺន រៀលឯណោះ ។
មានមតិរិះគន់ថា ការផ្តល់ ទីតាំងផ្លូវជាតិលេខ ៥ ឱ្យតាក់ ស៊ីធ្វើចំណតគឺបង្កឱ្យកើតមាន ការកកស្ទះចរាចរណ៍ជា រៀង រាល់ថ្ងៃ ពិសេសគឺរថយន្តដឹក ទំនិញ គឺពិតជាមិនអាចគេច ចេញពីការជម្រិតទារប្រាក់ពី ក្រុមលោក សៅ សារឿន នោះឡើយ ។
សកម្មភាពខាងលើនេះ មិន ត្រឹមតែបង្កឱ្យមានការកកស្ទះ ចរាចរណ៍ប៉ុណ្ណោះទេ ប៉ុន្តែ គ្រោះថ្នាក់ចរាចរណ៍បណ្តាល ឱ្យមានអ្នករងរបួសនិងស្លាប់ក៏ បណ្តាលមកពីសកម្មភាពអនុវត្តន៍ខុសតួនាទីរបស់មន្ត្រីប៉ូលិស ចរាចរណ៍នៅក្រុងប៉ោយប៉ែត ផងដែរ ។
មិនមែនជាករណីតូចតាច ដើម្បីបំពេញការខ្វះខាតរបស់ មន្ត្រីចរាចរណ៍នៅក្រុងប៉ោយ ប៉ែតនោះទេ ព្រោះក្នុងមួយថ្ងៃៗ អាចមានរថយន្តតាក់ស៊ីខ្នាត តូចចាប់ពី ៥០០គ្រឿង ទៅ ១០០០គ្រឿង ដែលដឹកអ្នក ដំណើរនិងភ្ញៀវទេសចរណ៍ ចេញពីក្រុងប៉ោយប៉ែត ។ នៅ មានរថយន្តក្រុងរថយន្តដឹក ទំនិញថែមទៀត តែអាចចាត់ ទុកសកម្មភាពខុសតួនាទីរបស់ មេប៉ូលិសចរាចរណ៍ក្រុងប៉ោយ ប៉ែតថាជារឿងតូចតាចដូច ម្តេចកើត ។
ព្រោះបើផ្អែកលើសកម្មភាព មន្ត្រីនគរបាលចរាចរណ៍គឺមាន ភារកិច្ចរៀបចំស្ថានភាពដងផ្លូវ ជាតិឱ្យធ្វើចរាចរណ៍បានស្រួល រួមទាំងដោះស្រាយវិវាទគ្រោះ ថ្នាក់រាចរណ៍ដែលកើតមានតែ ប៉ុណ្ណោះ ។ ចុះបើមន្ត្រីចរាចរ ណ៍ក្រុងប៉ោយប៉ែតទៅបង្កើត កន្លែងចតរថយន្តតាក់ស៊ីនៅ តាមដងផ្លូវជាតិលេខ ៥ ទៅ ហើយនោះ មិនដឹងថា រដ្ឋមួយ គ្រប់គ្រងដោយច្បាប់ឬគ្រប់ គ្រងដោយអំណាចនោះទេ ទើបប៉ូលិសចរាចរណ៍មកដើរ តួនាទីជាអ្នកបង្កើតភាពអនាធិ បតេយ្យនៅលើដងផ្លូវបាន ដោយគ្មានឃើញមុខលោក ង៉ោ ម៉េងជ្រួន អភិបាលក្រុង ប៉ោយប៉ែតទើសភ្នែកសូម្បីតែ បន្តិច បែបហ្នឹង ៕
