ដោយ ៖ ជាតិ
ប្រភេទឈើលេខ ១ ជាង ១០ម៉ែត្រគូប ដឹកតាមគោយន្ត កែច្នៃជាច្រើនគ្រឿងដែលជា កម្មសិទ្ធិរបស់លោក ងួន ស្រ៊ឺន មេឃុំជ្រោយបន្ទាយ ត្រូវបាន កម្លាំងសមត្ថកិច្ចស្រុកព្រែក ប្រសព្វចុះបង្ក្រាបនៅចំណុច ភូមិថ្មរាប ឃុំព្រែកប្រសព្វ ក្រោមបទបញ្ជាផ្ទាល់ពី លោក អៀន ណារុំ អភិបាលស្រុក ព្រែកប្រសព្វ ។
សកម្មភាពខាងលើនេះ សមត្ថកិច្ចបានចុះបង្ក្រាបនៅថ្ងៃ ទី ២៩ ខែឧសភា ឆ្នាំ២០១៥ វេលាម៉ោង ៩យប់ ប៉ុន្តែត្រូវ បានបងប្រុសលោកមេឃុំមក បញ្ជាក់ថាជាឈើរបស់ខ្លួនទៅ វិញ ។
ប្រជាពលរដ្ឋនៅស្រុកព្រែក ប្រសព្វបានអះអាងដូចៗគ្នាថា តាមពិតទៅឈើខុសច្បាប់ជា របស់លោកមេឃុំ ងួន ស្រ៊ឺន ហើយការចេញមុខរបស់បង លោកមេឃុំគឺគ្រាន់តែជាចេត នាបិទបាំងកិត្តិយសលោកមេឃុំ ជ្រោយបន្ទាយតែប៉ុណ្ណោះ ។
អ្នកសារព័ត៌មានដែលបាន ផ្តល់ដំណឹងជូនលោកអភិបាល ស្រុកបានសម្តែងការកោតសរ សើរចំពោះចំណាត់ការដ៏មាន ប្រសិទ្ធភាពរបស់លោកអភិបាលស្រុកដោយពុំបានគិតដល់ ការយោគយល់ចំពោះលោក មេឃុំដែលរកស៊ីល្មើសច្បាប់ ឡើយ ។
ប្រជាពលរដ្ឋនៅស្រុកព្រែក ប្រសព្វបានធ្វើការអះអាងថា បើថ្នាក់មេឃុំប្រព្រឹត្តបទល្មើស ព្រៃឈើទៅហើយនោះតើអាច មានលទ្ធភាពអប់រំប្រជាពលរដ្ឋ ក្នុងឃុំខ្លួនមិនឱ្យប្រព្រឹត្តបទល្មើស បានដោយរបៀបណា ។ ព្រោះ បើថ្នាក់ដឹកនាំធ្វើគំរូអាក្រក់ទៅ ហើយនោះការចម្លងមេរោគ បទល្មើសឱ្យប្រជាពលរដ្ឋគឺពិត ជាមានស្ថានភាពមិនអាចទប់ ស្កាត់បាននោះឡើយដែលតម្រូវ ឱ្យមានការតែងតាំងមេឃុំនៅ អាណត្តិក្រោយឆ្នាំ២០១៧ត្រូវ ពិនិត្យទៅលើលក្ខណៈសម្បត្តិ ដែលស័ក្តិសមជាគំរូល្អដល់ពល រដ្ឋក្នុងឃុំជ្រោយបន្ទាយផង ។
ពុំនោះទេបញ្ហាទប់ស្កាត់ បទល្មើសគឺស្ថិតនៅក្នុងកម្មវត្ថុ គួរឱ្យព្រួយបារម្ភរកទីបញ្ចប់ គ្មាននោះឡើយ ៕
