ដោយ ៖ គ្រាម
ប្រជាពលរដ្ឋនៅភូមិសង្គម ថ្មី ឃុំថ្មដា ស្រុកវាលវែង ខេត្ត ពោធិ៍សាត់ ២៣គ្រួសាររងការ បំផ្លិចបំផ្លាញផ្ទះសម្បែងចំការ ដំណាំដោយសារកម្លាំងស៊ី ឈ្នួលឧកញ៉ា ទ្រី ភាព ប្រើ គ្រឿងចក្រឈូសឆាយបំពាន ច្បា់ ព្រោះគោលការណ៍ច្បាប់ ក្នុងសង្គមដែលមានរបត់ដឹកនាំ ទីផ្សារសេរីបើជាដីកម្មសិទ្ធិ តម្រូវការដោយរដ្ឋក្នុងផែនការ អភិវឌ្ឍន៍គឺទទួលបានសំណង សមរម្យទៅតាមតម្លៃទីផ្សារ ។
ចំណែកបុគ្គលជាឧកញ៉ាបើ ចង់បានដីជាកម្មសិទ្ធិរបស់ ប្រជាពលរដ្ឋគឺអាស្រ័យលើការ ឯកភាពពីម្ចាស់កម្មសិទ្ធិក្នុងការ សម្រេចចិត្តលក់ទើបបុគ្គលមាន លុយមានអំណាចអាចដកហូត យកដីកម្មសិទ្ធិរបស់ប្រជាពលរដ្ឋ ។
បើពិនិត្យមើលសកម្មភាព កម្លាំងសមត្ថកិច្ចដែលបម្រើនិង ការពារប្រជាពលរដ្ឋហើយទៅ ស៊ីឈ្នួលបណ្តេញប្រជាពល រដ្ឋឱ្យរុះរើផ្ទះសម្បែងតាមការ ចង់បានរបស់ឧកញ៉ា ទ្រី ភាព នៅភូមិសង្គមថ្មី ឃុំថ្មដា ស្រុក វាលវែង ខេត្តពោធិ៍សាត់វិញ នោះគឺជាសញ្ញាបង្ហាញឱ្យពល រដ្ឋនៅស្រុកវាលវែងកើតការ ក្តៅក្រហាយមិនតិចទេ ព្រោះ កម្លាំងប្រដាប់អាវុធដែលមាន តួនាទីការពារប្រជាពលរដ្ឋ ហើយធ្វើសកម្មភាពទៅបណ្តេញ ប្រជាពលរដ្ឋទៅហើយនោះ តើឱ្យពលរដ្ឋរស់បានដល់ពេល ណា…? ។
សកម្មភាពឧកញ៉ា ទ្រី ភាព បំពានយកដីលំនៅដ្ឋាននិងដី ចំការដំណាំប្រជាពលរដ្ឋនៅ ភូមិសង្គមថ្មី ឃុំថ្មដា ដោយសូម្បី តែតំណាងរាស្ត្រចុះទៅអន្តរាគមន៍កម្លាំងសមត្ថកិច្ចមិនអនុ ញ្ញាតឱ្យចូលទៅតំបន់ឈូស ឆាយនោះថែមទៀតផង ។ បើ សូម្បីតំណាងរាស្ត្រដែលទទួល អំណាចតាមសន្លឹកឆ្នោតពីរាស្ត្រ ក៏ត្រូវបានគេហាមឃាត់ដែរនោះ តើអាចឱ្យអ្នកកាសែតជួយបាន ដោយរបៀបណា ? ។ ហើយ រូបភាពដែលថតបាននោះគឺ ស្របពេលដែលអ្នកយកព័ត៌មាន ទៅហូបបាយនៅផ្ទះប្រជាពល រដ្ឋ ដោយសម្ងំថតចេញពីក្នុង ផ្ទះក្នុងស្ថានភាពលាក់កំបាំងតែ ប៉ុណ្ណោះ ។
ប្រវត្តិប្រើអំណាចទន្ទ្រាន យកដីពលរដ្ឋផុតពីរឿងយាយភូ ក៏ឆ្លងចូលមកយាយផាន ប៉ុន្តែ នៅពេលយាយផានស្ងប់ស្ងាត់ ក៏លេចមុខឈ្មោះ ទ្រី ភាព ដុត រោលកំដៅឱ្យប្រជាពលរដ្ឋរង ទុក្ខមិនចេះអស់មិនចេះហើយ ទើបបញ្ហាដីធ្លីស្ថិតនៅក្នុងកម្ម វត្ថុក្តៅគគុកបន្តពីអ្នកមានលុយ មួយទៅអ្នកមានលុយមួយផ្សេង ទៀតរកទីបញ្ចប់គ្មាននោះ ឡើយ ។ ម្យ៉ាងវិញទៀតសកម្ម ភាពអ្នកមានលុយដែលអាច ប្រើកម្លាំងប្រដាប់អាវុធទៅ បង្ក្រាបប្រជាពលរដ្ឋបានគឺពួក គេតែងតែស្វែងរកខ្នងបង្អែក ដែលមានឥទ្ធិពលដែលប្រភព និយាយតៗគ្នាថាជាប់សាច់ ញាតិជាមួយថ្នាក់ដឹកនាំប្រទេស ទើបការរំលោភបំពានធ្វើ សកម្មភាពទៅទទួលបានជោគ ជ័យ ។
មានការលើកឡើងពីសកម្ម ភាពឧកញ៉ា ទ្រី ភាព ថា បើ សូម្បីតែផ្កាយបី ទ្រី ភាព ប្រើ ឱ្យមកយាមឃ្លាំងឈើខ្លួនបាន ទៅហើយនោះ ទោះបីថា ឧកញ៉ា ទ្រី ភាព នៅពេលនេះ ពុំទាន់ឃើញមានតួនាទីក្នុង អំណាចរដ្ឋក៏ពិតមែន ! ប៉ុន្តែ អំណាចពិតរបស់លោកឧកញ៉ា ទ្រី ភាព ពិតជាមិនអាចឱ្យគេ សន្មតបានឡើយ ។ សូម្បីលោក ផ្កាយ ៣ ម្នាក់ដែលមានគេមក សួរនាំរឿងលក់ដីក៏បានបញ្ជាក់ នៅតាមហាងកាហ្វេថា បើដី ពាក់ព័ន្ធ ឬនៅក្បែរដីទ្រី ភាព សូមកុំនាំខ្ញុំទៅទិញទោះឱ្យទទេ ក៏មិនយកដែរ ព្រោះខ្ញុំផ្កាយ ៣ មែន បើ ទ្រី ភាព រំលោភយក ហើយគឺត្រូវតែបាត់បង់បើហ៊ាន ជំទាស់អាចអស់អាផ្កាយលើ ស្មាថែមទៀតផងទើបនិយាយ គ្នាឱ្យច្បាស់ជាមុនហ្នឹង ៕
