ខេត្តរតនគិរីៈ បើទោះបីជា ឯកឧត្តមលឹម គៀនហោរ រដ្ឋមន្ត្រីក្រសួង ធនធានទឹក ធ្លាប់បានចេញនូវ សេចក្តីប្រកាស ដល់បណ្តា ការដ្ឋានបូមខ្សាច់ ដែលមិនមាន ច្បាប់អនុញ្ញាតិ ទាំងអស់ត្រូវ បញ្ឈប់រាល់ សកម្មភាព បូមខ្សាច់ ជាបន្ទាន់។
ហើយពេលថ្មីៗ កន្លងទៅនេះ ឯកឧត្តម រដ្ឋលេខាធិការ ក្រសួងរ៉ែ និងថាមពល បានមកធ្វើការ ប្រជុំផ្សព្វផ្សាយ ពាក់ព័ន្ធទៅនឹង ការគ្រប់គ្រង ធនធានរ៉ែ នៅសាលា ខេត្តរតនគិរី រួមទាំងបាន ណែនាំដល់ បណ្តាម្ចាស់ ការដ្ឋានបូមខ្សាច់ ទាំងអស់នៅ ខេត្តរតនគិរី ឲ្យបញ្ឈប់ រាល់សកម្មភាព ដើម្បីរៀបចំ សុំណុំរឿង ឯកសាររត់ការ ទៅតាមផ្លូវច្បាប់ ឲ្យបានត្រឹមត្រូវ ជាមុនសិន ។ ដោយឯកឧត្តម បានបញ្ជាក់ថា ការដ្ឋានបូមខ្សាច់ នៅក្នុងខេត្ត រតនគិរិ ទាំងអស់មិនទាន់ មានច្បាប់ នៅឡើយទេ រួមទាំងការដ្ឋាន ចំនួន៣កន្លែង នៅទន្លេសេសាន្ត ក្នុងស្រុកវ៉ឺនសៃ ក៏ពុំទាន់មាន ច្បាប់អនុញ្ញាតិដែរ ។ ហើយរហូត មកទល់នឹងពេលនេះ គេសង្កេតឃើញថា ការដ្ឋានបូមខ្សាច់ ចំនួន២កន្លែង នៅក្នុងស្រុក វ៉ឺនសៃ ត្រូវបានបញ្ឈប់ សកម្មភាព បូមខ្សាច់ហើយ គឺក្រោយពី ទទួលបាន ការផ្សព្វផ្សាយ និងណែនាំ របស់មន្ទីរ និងក្រសួងកន្លងមក ។ ដោយឡែក គេសង្កេតឃើញថា នៅសល់ការដ្ឋាន បូមខ្សាច់មួយកន្លែង ដែលជាប្រពន្ធ របស់លោក អធិការស្រុក វ៉ឺនសៃ នៅតែបន្ត សកម្មភាពដដែល មិនគោរព បែរជាអនុវត្តន៍ ផ្ទុយទៅនឹង សេចក្តីណែនាំ របស់ក្រសួងរ៉ែ និងថាមពលទៅវិញ គឺមិនបូមទៀតទេ បែរជាយកគ្រឿង ទៅគៀរប្រមូលខ្សាច់ នៅក្នុងទន្លេ នៅពេលទឹកនៀច ឬទឹកស្រក ហើយគេអាច ប្រមូលគៀរខ្សាច់ ដូចភ្នំនៅពេលថ្ងៃឬពេលយប់ ទៅតាមស្ថានភាព ជាក់ស្តែងឲ្យតែ ទឹកទន្លេនៀច ឬស្រកចុះ ដែលអាចយក គ្រឿងចក្រ ចូលទៅបាន ហើយដឹកជញ្ជូន ពីក្នុងទន្លេ យកមកដាក់ នៅកន្លែងស្តុបលក់ នៅក្បែរមាត់ កំពង់នោះតែម្តង សម្រាប់ឲ្យ រថយន្តធំៗ មកទិញបន្ត ឬដឹកជញ្ជូន យកមកដាក់តាម ដេប៉ូចែកចាយ ក្នុងខេត្ត ឬកន្លែងសាងសង់ សំណង់នៅក្នុងខេត្ត និងតាមបណ្តាស្រុក ។ ល ។ ដែលក្នុងមួយថ្ងៃៗ រាប់សិបជើង ឯណោះ ។ កុំថាឡើយដល់ ប្រើគ្រឿងចក្រ សូម្បីតែយក បង្គីមកកើប ក៏ត្រូវសុំច្បាប់ដែរ ។
ប្រជាពលរដ្ឋ បានរិៈគន់ពីភាព មិនទទួលខុសត្រូវ របស់ជំនាញ មន្ទីរការិយាល័យ ពាក់ព័ន្ធ ដែលកន្លងមក បិទភ្នែកបណ្តោយ ឲ្យការដ្ឋាន បូមខ្សាច់ឥតច្បាប់ នៅទូរទាំងខេត្ត រតនគិរី អាចដំណើរការ បានជាច្រើន ឆ្នាំមកហើយ ដែលការដ្ឋាន ខ្សាច់ទាំងនោះ បានបំរើឲ្យ ផលប្រយោជន៍ នៃផ្នែកសំណង់ នានា ក្នុងខេត្តរីកដូចផ្សិត តែបែរជា មិនបាន ចំណូលពន្ធ ចូលរដ្ឋទេ ជាហេតុធ្វើឲ្យ បាត់បង់ ចំណូលពន្ធ និងថវិការជាតិ ជាច្រើនពាក់ព័ន្ធ ទៅនឹងការដ្ឋាន ខ្សាច់នេះ គឺបានតែចូល ហោប៉ៅ ឬការស៊ីសសុស ត្រូវរ៉ូវគ្នាក្រោមតុតែប៉ុណ្ណោះ ហើយការដឹកជញ្ជូន ខ្សាច់តាមរថយន្ត ធំៗទាំងនោះ វាអាចលើសទម្ងន់ បណ្តាលឲ្យខូច ផ្លូវទៀតផង ។ ហើយសំណូមពរ ឲ្យការដ្ឋាន របស់សុំ មាយមុំ នេះត្រូវប្តូរទីតាំង ព្រោះពួកគាត់មានការ ព្រួយបារម្មណ៍ អំពីការបាក់ច្រាំង កាន់តែខិតជិត ដល់ផ្លូវ និងដល់ផ្ទះ របស់ពួកគាត់ ៕
ដោយៈ តាំង ឧស្សារ
