ដោយ ៖ នង ណេត
លោកតា ម៉ាត់ ម៉ាន ខ្មែរឥស្លាមអាយុ ៨៥ឆ្នាំ និងប្រពន្ធ អាយុ ៧២ឆ្នាំ រស់នៅភូមិ ជ្រោះជ្រៅពោធិ៍សាល ឃុំ២ធ្នូ ស្រុកស្នួល ខេត្តក្រចេះដែលបាន កាន់កាប់ដីជាង ២ហិកតា បាន ចុះបញ្ជីក្បាលដីលេខ ១០២០ ចោទប្រកាន់ឈ្មោះ កៅ ស្លេះ មន្ត្រីកងរាជអាវុធហត្ថ ៧០៩ បានប្រើអំណាចដាំដំណាំរំលោភ យកដីគាត់ទាំងបំពាន ។
សកម្មភាពខាងលើនេះត្រូវ បានបងប្អូនខ្មែរឥស្លាមចេញមុខ ធ្វើសាក្សីការពារដីតាយាយជា ច្រើនគ្រួសារ ប៉ុន្តែឈ្មោះ កៅ ស្លេះ ហាក់អាងអំណាចជាមន្ត្រី ប៉េអឹមមិនគោរពតាមការទាម ទារឱ្យបញ្ឈប់សកម្មភាពដាំ ដំណាំរំលោភយកដីតាយាយ ទាំងពីរឡើយ ។
ទោះបីដឹងថាលោកតា ម៉ាត់ ម៉ាន មានឯកសារក្នុងការ គ្រប់គ្រងដីជាង ២ហិកតានេះ ក៏ដោយ ប៉ុន្តែ កៅ ស្លេះ បាន ប្រើអំណាចជាមន្ត្រីប៉េអឹមមក គំរាមទាំងខ្លួនគ្មានឯកសារអ្វី ទាំងអស់ ដើម្បីរំលោភយកដី លោកតា ម៉ាត់ ម៉ាន ។
ជាក់ស្តែងនៅដើមឆ្នាំ ២០១៥ វេលាម៉ោង ១រសៀល ឈ្មោះ កៅ ស្លេះ បានយក ត្រាក់ទ័រ មកឈូសឆាយដាំដំឡូងលើដីតាយាយទាំងបំពាន ថែមទៀតផង ។
លោកតា ម៉ាត់ ម៉ាន និង ភរិយាសំណូមពរឱ្យអាជ្ញាធរ ដែនដីភូមិ-ឃុំរួមទាំងស្រុក ពិសេសគឺមេបញ្ជាការកងរាជ អាវុធហត្ថ ៧០៩ មេត្តារួមគ្នា ពិនិត្យលើសកម្មភាពប្រើអំណាច រំលោភយកដីពលរដ្ឋដែលជា ជនចាស់ជរានិងធ្វើការសម្រប សម្រួលដោះស្រាយស្វែងរក យុត្តិធម៌ឱ្យពួកគាត់ទាំងពីរនាក់ ផង ។ ម្យ៉ាងវិញទៀតប្រជាពលរដ្ឋនៅក្នុងភូមិរួមទាំងអាជ្ញា ធរភូមិ-ឃុំ សុទ្ធតែបានដឹងថា ជាដីរស់នៅនិងអាស្រ័យផល ស្របច្បាប់របស់ពួកគាត់ប្រសិន បើទុកឱ្យមន្ត្រីប៉េអឹមប្រើអំណាច រំលោភយកដីប្រជាពលរដ្ឋ ដោយគ្មានអន្តរាគមន៍ណាមួយ ពីអាជ្ញាធរដែនដីទេនោះគឺមាន ន័យថា អាជ្ញាធរក៏កំពុងឃុប ឃិតជាមួយមន្ត្រីប៉េអឹម ដើម្បី ផលប្រយោជន៍ណាមួយដែរ ។
ករណីខាងលើនេះត្រូវបាន ប្រជាពលរដ្ឋក្នុងភូមិជ្រោះជ្រៅ ពោធិសាល និងឃុំ២ធ្នូសម្តែង ការមិនពេញចិត្តចំពោះអាជ្ញា ធរភូមិឃុំថាមិនបានប្រើតួនាទី បំរើរាស្ត្រស្របតាមគោល នយោបាយដឹកនាំរបស់ប្រមុខ រាជរដ្ឋាភិបាលឡើយ ។ ប្រសិន បើមន្ត្រីអាជ្ញាធរជាអ្នកបំរើ រាស្ត្រដូចការក្រើនរំលឹ់កពី សម្តេចនាយករដ្ឋមន្ត្រីនាពេលថ្មី ៗនេះមែនមិនគួរណាទុកឱកាស ឱ្យមន្ត្រីប៉េអឹម ឈ្មោះ កៅ ស្លេះ មករំលោភយកដីពលរដ្ឋទាំង ថ្ងៃបែបនេះដោយគ្មានកិច្ចអន្ត រាគមន៍ពីអាជ្ញាធរនោះឡើយ ។
ពិសេសជាងនេះទៅទៀត គឺមេបញ្ជាការប៉េអឹម៧០៩ តែម្តងដែលត្រូវចេញមុខណែ នាំកូនចៅក្រោមឱវាទខ្លួនកុំឱ្យ ប្រព្រឹត្តឬធ្វើសកម្មភាពណា មួយដែលមានលក្ខណៈរំលោភ បំពានទៅលើប្រជាពលរដ្ឋទន់ ខ្សោយ ទើបមានឈ្មោះជាមេ បញ្ជាការដឹកនាំល្អបានពិតប្រាកដ ។ ពុំនោះទេ ទាំងកូនទាំង មេវាខុសដូចតែគ្នាទេ ប្រសិន បើបណ្តែតបណ្តោយឱ្យកូនចៅ ខ្លួនប្រើអំណាចបំពានលើកម្ម សិទ្ធិពលរដ្ឋទន់ខ្សោយបែបហ្នឹង ទាន ! ៕
