ខេត្តព្រះសីហនុៈ មនុស្សប្រុសស្រី ចំនួន០២នាក់ ត្រូវបានកងរាជ អាវុធហត្ថខេត្ត ព្រះសីហនុ ធ្វើការ ឃាត់ខ្លួន កាលពីថ្ងៃទី០៣ ខែមិនា ឆ្នាំ២០១៥ នៅក្នុងក្រុង ព្រះសីហនុ ករណីជួញដូរ គ្រឿងញៀន ។
កាលពីវេលាម៉ោង ១០និង៤០នាទី ថ្ងៃទី០៣ ខែមិនា ឆ្នាំ២០១៥ នៅចំណុចក្រុមទី ៣៥ ភូមិ៣ សង្កាត់លេខ១ ក្រុងព្រះសីហនុ កម្លាំងជំនាញ ធ្វើការបង្ក្រាប ករណីជួញដូរ គ្រឿងញៀន និងឃាត់ខ្លួនជនសង្ស័យ ចំនួន០១នាក់ ។ នៅវេលាម៉ោង ១៤និង៤០នាទី ថ្ងៃទី០៣ ខែមិនា ឆ្នាំ២០១៥ដដែល កម្លាំងជំនាញ ធ្វើកាបង្ក្រាបករណី ជួញដូរ គ្រឿងញៀនមួយករណី ព្រមទាំងធ្វើការ ឃាត់ខ្លួនជនសង្ស័យម្នាក់ នៅក្រុម១ ភូមិ១ សង្កាត់លេខ២ ក្រុងព្រះសីហនុ ។
លោកវរសេនីយ៏ត្រី ឆាយ រិន នាយការិយាល័យ ស្រាវជ្រាវ ប្រឆាំងគ្រឿងញៀន នៃកងរាជ-អាវុធហត្ថ ខេត្តព្រះសីហនុ មានប្រសាសន៍ថា ដោយមានការ ចង្អុលបង្ហាញ និងបទបញ្ជាផ្ទាល់ របស់លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថ ខេត្តព្រះសីហនុ ឲ្យកងរាជអាវុធ-ហត្ថទាំងអស់ ត្រូវធ្វើការស្រាវជ្រាវ ចូលរួមទប់ស្កាត់ ឲ្យបានទាន់ ពេលវេលានូវ មុខសញ្ញាជួញដូរ និងចែកចាយ គ្រឿងញៀននៅ ទូទាំងខេត្តព្រះសីហនុ រហូតធ្វើការកំណត់ មុខសញ្ញាឈានដល់ការបង្រ្គាបមុខសញ្ញា ជួញដូរគ្រឿងញៀន និងជនសង្ស័យ ជួញដូរគ្រឿងញៀន ប្រុសស្រី ចំនួន០២នាក់ និងវត្ថុតាង មួយចំនួន ដើម្បីរក្សាសន្តិសុខ សណ្តាប់ធ្នាប់ សាធារណៈ ជូនប្រជាពលរដ្ឋ ក៏ដូចជាភ្ញៀវទេសចរជាតិ និងអន្តរជាតិ មកលេងកម្សាន្ត នៅខេត្ត ព្រះសីហនុ ស្របតាម គោលនយោបាយ របស់រាជរដ្ឋាភិបាលកម្ពុជា ៩ចំណុចគឺ ភូមិ ឃុំ មានសុវត្ថិភាព និងដោយមាន ការសហការ ជាមួយបងប្អូនប្រជាពលរដ្ឋ នៅក្នុងមូលដ្ឋាន ផងដែរ ។
ជនសង្ស័យទី១ ឈ្មោះលាត រិទ្ធិ ភេទប្រុស អាយុ២២ឆ្នាំ ជនជាតិខ្មែរ មានទីលំនៅ ក្រុម២៨ ភូមិ១ សង្កាត់លេខ១ ខេត្តព្រះសីហនុ ដកហូតបាន វត្ថុតាងមួយចំនួន មានដូចជា ម្សៅពណ៌សថ្លា (ម៉ាទឹកកក) មួយកញ្ចប់ធំ ទំងន់ស្មើនឹង១ជី និងម្សៅពណ៌ស មួយកញ្ចប់តូច ទូរស័ព្ទដៃ មួយគ្រឿង ម៉ូតូម៉ាក ស្កុបពីពណ៌ខ្មៅ លាយក្រហម មួយគ្រឿង ស្លាកលេខ ក្រុងព្រះសីហនុ 1D ៣២៧៧ ។
ជនសង្ស័យទី២ ឈ្មោះ ឡេ វ៉ា ភេទស្រី អាយុ ៣៣ឆ្នាំ ជនជាតិវៀតណាម មានទីលំនៅ ក្រុម១ ភូមិ១ សង្កាត់លេខ២ ក្រុង ខេត្តព្រះសីហនុ និងដកហូតបាន វត្ថុតាងមួយចំនួន មានដូចជា ម្សៅពណ៌សថ្លា (ម៉ាទឹកកក) ប្រាំបីកញ្ចប់តូច ដបជក់មួយ ទូរស័ព្ទដៃមួយគ្រឿង ម៉ូតូម៉ាក SUZUKSTEP ពណ៌ខ្មៅ លាយក្រហម មួយគ្រឿង គ្នានស្លាកលេខ ។
លោកនាយ ការិយាល័យ ស្រាវជ្រាវ ប្រឆាំងគ្រឿងញៀន នៃកងរាជអាវុធហត្ថ ខេត្តព្រះសីហនុបានបញ្ជាក់ថា ជនសង្ស័យ ប្រុសស្រីទាំងពីរនាក់ និងវត្ថុតាងត្រូវបាន កម្លាំងជំនាញ ធ្វើការសាកសួរ កសាង សំណុំរឿង បញ្ជូនទៅកាន់ សាលាដំបូង ខេត្តព្រះសីហនុ ដើម្បីចាត់វិធានការ ទៅតាមផ្លូវច្បាប់ ៕
ដោយៈ ស៊ុយ ចាន់ធា
