ដោយ ៖ ជាតិ
នៅស្រុកខ្មែរមានក្រុមហ៊ុន ឯកជននាំពលករចេញទៅបំរើ ការនៅក្រៅប្រទេសច្រើនណាស់ ដែលទទួលបានអាជ្ញាប័ណ្ណពី ក្រសួងការងារ ប៉ុន្តែរាល់ការ ធានាកំណត់យកតម្លៃពីពលករ ហាក់បីដូចជា ក្រសួងការងារ ពុំបានគិតគូរលើការកំណត់ តម្លៃណាមួយសម្រាប់ពលករ ដែលចូលមកដាក់ពាក្យតាម ក្រុមហ៊ុននាំពលករចេញទៅធ្វើ ការនៅក្រៅ ប្រទេសឡើយ ដែលជាហេតុធ្វើឱ្យក្រុមហ៊ុន ដែលនាំពលករចេញមានឱកាស កំណត់យកលុយពីពលករតាម តែអំពើចិត្តរហូតមានក្រុមហ៊ុន ខ្លះប្រើវិធីឆបោកពលករថែម ទៀតផង ។
ជាក់ស្តែងនៅក្នុងស្ថាន ភាពគ្រួសារអ្នកស្រី ស៊ី វន ដែល មានស្រុកកំណើតនៅឃុំបាបោង ខេត្តព្រៃវែងដែលវិទ្យុអាស៊ីសេរី ផ្សាយនៅព្រឹកថ្ងៃទី ២ ខែកុម្ភៈ ឆ្នាំ២០១៥ ម្សិលមិញនេះ បាន បញ្ជាក់ច្បាស់ថា ដោយទទួល បានការផ្សព្វផ្សាយថាក្រុមហ៊ុន នាំពលករទៅធ្វើការនៅស្រុក ថៃ ហើយមានទីតាំងនៅទល់ មុខច្រមុះជ្រូក ហាងសាំងស្ទឹង មានជ័យគាត់បានខ្ចីបុលចងការ គេអស់ ២០០០ដុល្លារ សម្រាប់ សមាជិកក្រុមគ្រួសារគាត់ ៤ នាក់ យកមកបង់ឱ្យក្រុមហ៊ុន ជំហ៊ានទី ១ គឺក្រុមហ៊ុនឱ្យបង់ ក្នុងម្នាក់ ៤០០ដុល្លារ ប៉ុន្តែការ រង់ចាំអស់ជាច្រើនខែ ទើបក្រុម ហ៊ុនឱ្យបង់ម្នាក់២០ដុល្លារទៀត មិនតែប៉ុណ្ណោះពេលចេញដំណើរ គឺត្រូវបង់ថ្លៃឡានម្នាក់ ៨០ដុល្លារទៀត ។ សរុបទៅ គឺម្នាក់ត្រូវចំណាយអស់ដល់ ៥០០ដុល្លារទៅហើយ ។
តាមការអះអាងរបស់អ្នក ស្រី ស៊ី វន គឺនៅពេលមកជួប ក្រុមហ៊ុនដំបូងគឺគេបានអះអាង ថា ការងារនៅស្រុកថៃមាន ច្រើនហើយទទួលបានប្រាក់ខែក៏ មិនតិចដែរ រួមមានរោងចក្រ ផលិតស្រោមដៃរោងចក្រកែ ច្នៃសាច់មានជាដើម ប៉ុន្តែជា អកុសលការរង់ចាំល្មមអាច ទទួលបានការចាកចេញគឺក្រុម ហ៊ុនមួយនេះបានឆបោកជាច្រើន លើកទៅហើយ ។ នៅពេល ទៅដល់ស្រុកថៃត្រូវបានគេយក ទៅទម្លាក់ចោលរួចមានអ្នកនាំ ឱ្យទៅរើសសំរាមដែលគេខ្ចប់ ចោលនៅមុខផ្ទះ គេដែលមាន សុទ្ធតែដង្កូវទៅវិញ ដែលជា ហេតុធ្វើឱ្យក្រុមគ្រួសារគាត់ សម្រេចចិត្តវិលត្រឡប់មកស្រុក វិញ ទាំងលំបាកបំផុត ។
មានការចោទសួរថា បើ គ្មានការពាក់ព័ន្ធទៅនឹងអំពើ ពុករលួយរវាងក្រុមហ៊ុននាំ ពលករចេញទៅធ្វើការនៅ ស្រុកថៃជាមួយមន្ត្រីជំនាញ ក្រសួងការងារដែលពាក់ព័ន្ធទេ តើអំពើឆបោករបស់ក្រុមហ៊ុន អាចគេចចេញពីសំណាញ់ ច្បាប់បានដោយរបៀបណា?។ ព្រោះក្រសួងការងារជាអាណា ព្យាបាលរបស់ក្រុមហ៊ុននាំពល ករចេញរហូតអាចឱ្យក្រុមហ៊ុន ធ្វើការឃោសនាតាមវិទ្យុផ្សព្វ ផ្សាយឆបោកប្រជាពលរដ្ឋជា ចំហរដោយគ្មានខ្លាចរអាពី ច្បាប់អ្វីទាំងអស់បែបហ្នឹង គឺ ពិតជាមានការពាក់ព័ន្ធនូវអំពើ ពុករលួយទើបអាចធ្វើឱ្យក្រុម ហ៊ុនអនុវត្តបែបជិះសេះលែងដៃ បានបែបហ្នឹង ។
ករណីឆបោកពលករ និង ករណីបើកដៃឱ្យក្រុមហ៊ុនជម្រិត យកលុយដោយគ្មានការកំណត់ ពីច្បាប់បែបហ្នឹង ប្រសិនបើ អង្គភាពប្រឆាំងអំពើពុករលួយ ចុះអង្កេត គឺពិតជារកឃើញថា នៅក្នុងក្រសួងការងារពិតជា មានពាក់ព័ន្ធទៅនឹងអំពើពុក រលួយមិនធម្មតានោះឡើយ ។
ព្រោះស្ថានភាពពលករធ្វើ ចំណាកស្រុក សូម្បីលោក នាយករដ្ឋមន្ត្រី ហ៊ុន សែន ក៏ បានយកចិត្តទុកដាក់ដល់សុខ ទុក្ខពលករដោយប្រកាសចំណាយ ៥លានដុល្លារ ឱ្យជួយ ដឹកពលករចំណាកស្រុកត្រូវរដ្ឋា ភិបាលថៃចាប់បញ្ជូនមកកាល ពីពេលកន្លងមក ។
មិនតែប៉ុណ្ណោះរាល់លិខិត ឆ្លងដែនក៏ត្រូវបានប្រមុខរាជ រដ្ឋាភិបាលប្រកាសយកតែ ៤ ដុល្លារប៉ុណ្ណោះ ដើម្បីបន្ធូរបន្ថយ ឱ្យនិងសម្រួលដល់ពលករកុំឱ្យ បន្តធ្វើចំណាកស្រុកខុសច្បាប់ តទៅទៀតប៉ុន្តែករណីក្រុម គ្រួសារអ្នកស្រី ស៊ី វន នៅឃុំ បាបោង ខេត្តព្រៃវែង ដែលចំណាយរហូតដល់២០០០ដុល្លារ ក្នុងសមាជិកគ្រួសារ ៤នាក់ ហើយពុំអាចទទួលបានការងារ តាមការអះអាងរបស់ក្រុមហ៊ុន ផងនោះតើអាចគ្មានជាប់ពាក់ ព័ន្ធទៅនឹងអំពើពុករលួយហើយ អាចដំណើរការក្រុមហ៊ុនបោក បានដោយរបៀបណា….? ៕
