ដោយ ៖ ជាតិ
នៅស្រុកខ្មែរវាយ៉ាប់មហា យ៉ាប់ពិសេសគឺស្ថានភាពគ្រួសារ និយមដែលគេសង្កេតឃើញ តាមរយៈឪពុកជា ប្រធានមន្ទីរ ឯកូនប្រុស ឬស្រីជាអនុប្រធាន មន្ទីរដែលជាសញ្ញាបង្ហាញឱ្យ ឃើញយ៉ាងច្បាស់ថា អំពើពុក រលួយដែលផ្តើមចេញពីឪពុកធ្វើ ប្រធាននិងកូនធ្វើអនុប្រធានពិត ជាមានទំហំធំដែលអង្គភាព ប្រឆាំងអំពើពុករលួយត្រូវតែ បើកការស៊ើបអង្កេត ។ ព្រោះ ទំហំនៃអំពើពុករលួយដែល ផ្តើមចេញពីឪពុកប្រធានមន្ទីរ ធម្មការ និងកូនស្រីជាអនុប្រធាន មន្ទីរ គឺពិតជាបានធ្វើឱ្យមន្ត្រី ផ្សេងទៀតដែលមានប្រវត្តិការ ងារយូរអង្វែងត្រូវតែចេញមុខ លាតត្រដាងពីករណីប្រើអំណាច ពុករលួយគ្រាន់តែក្នុងឆ្នាំ២០១៣ និង២០១៤ ដែលទើបតែកន្លង ផុតទៅ គឺត្រូវបាត់បង់ប្រាក់ រហូតដល់ជាង ១០០លាន រៀលឯណោះ ។
ការប្រើរបាយការណ៍ក្នុង ការចំណាយលើប្រាក់លំអៀង ក្រោមអំណាចលោក ដូង សាវឿនជាប្រធានមន្ទីរធម្មការ និងកូនស្រីឈ្មោះ វ៉ា រ៉ាវី ជា អនុប្រធានមន្ទីរក្តោបក្តាប់រដ្ឋ បាលហិរញ្ញវត្ថុផងនោះសម្រាប់ ឆ្នាំ ២០១៤នេះ ត្រូវបានគេ ទម្លាយឱ្យដឹងថាការចំណាយ ដែលមានភាពមិនប្រក្រតីលើ ផ្នែកផ្គត់ផ្គង់សម្ភារៈរដ្ឋបាល ដែលចំណាយទឹកប្រាក់អស់ ៣០លានរៀល ប៉ុន្តែការចំណាយពិតប្រាកដគឺអស់មិនដល់ ១០លានរៀលផង ។ ចំណាយ ផ្គត់ផ្គង់លើប្រេងឥន្ធនៈអស់ដល់ ២០លានរៀល ប៉ុន្តែចំណាយ ស្ទើរទាំងអស់ គឺធ្លាក់ចូលទៅ ក្នុងដៃឪពុកនិងកូនចំណែកមន្ត្រី ផ្សេងទៀត គឺទទួលបានក្នុង កម្រិតតិចតួចបំផុត ។ ចំណាយ ក្នុងការថែទាំនិងជួសជុលអស់ ជិត ៩០លានរៀល ក្នុងនោះ ៧០លានរៀល សម្រាប់ធ្វើសួន ច្បារនិងចាក់ដីនៅចំហៀងមន្ទីរ ប៉ុន្តែចំណាយជាក់ស្តែងអស់ ត្រឹម ២០លានរៀលប៉ុណ្ណោះ។ និងចំណាយលើការជួសជុល រថយន្ត ជ្វ្រ ស៊េរី ២០០២ អស់រហូតដល់ជិត ៨លានរៀល ដែលជិតស្មើនិងតម្លៃទិញឡាន ស៊េរីនេះទៅហើយ ប៉ុន្តែការ ពិតគ្រាន់តែជារបាយការណ៍ ប្រឌិតបើចំណាយជាក់ស្តែងគឺ មិនអស់ ១លានរៀលផងទេ ។ ព្រោះរថយន្តនេះជាមធ្យោបាយ ធ្វើដំណើរផ្ទាល់ខ្លួនរបស់លោក ប្រធានមន្ទីរ ហើយចំពោះម៉ូតូ ៦គ្រឿង របស់មន្ទីរបើមន្ត្រី ណាយកជិះគឺតម្រូវឱ្យចំណាយ ជួសជុលដោយខ្លួនឯងនោះទេ។
នៅក្នុងប្រភពបានបង្ហើបឱ្យដឹងទៀតថារាល់ការចំណាយ លើផ្នែកទំនាក់ទំនងសាធារណៈ និងផ្សព្វផ្សាយគឺអស់ប្រាក់ដល់ ទៅ ១០លានរៀល ប៉ុន្តែជាក់ ស្តែងគឺអស់មិនដល់៥លានរៀល ផង ចំណែកការចំណាយលើ សោហ៊ុយទូទាត់ក្នុងប្រទេស គឺ អស់ប្រាក់ ៣០លានរៀល ប៉ុន្តែ អ្នកទទួលបានប្រាក់នេះភាគច្រើន គឺប្រធានឪ និងអនុប្រធានកូន ចំណែកមន្ត្រីផ្សេងទៀតអ្នកខ្លះ អត់អ្នកខ្លះត្រូវគេកាត់អស់ពាក់ កណ្តាលទៅហើយ ។
ដោយមើលឃើញការចាត់ តាំងក្នុងគ្រួសារនិយមរវាង ឪពុកជាប្រធាននិងកូនស្រីជា អនុប្រធាននេះ ហើយទើបក្នុង ក្របខណ្ឌមន្ទីរដែលមានសមា សភាពមន្ត្រីក្របខណ្ឌត្រឹម ១០ នាក់ ទម្លាយរឿងអាស្រូវពុក រលួយតាមប្រព័ន្ធគ្រួសារនិយម របស់លោក ដូង សាវឿន ជា ប្រធានមន្ទីរធម្មការដែលបានរត់ ការឱ្យកូនស្រីធ្វើជាអនុប្រធាន បន្តវេននៅពេលខ្លួនចូលនិវត្ត ពិតជាបានធ្វើឱ្យមន្ត្រីចាស់វស្សា អស់កម្លាំងចិត្តរហូតទម្លាយ យករបាយការណ៍ដែលបង្កប់ ទៅដោយអំពើពុករលួយយ៉ាង ក្រាស់ឃ្មឹកបែបហ្នឹង ៕
