ដោយ ៖ ជាតិ
តាមការស្គាល់រយៈពេល ដំបូងចំពោះតួអង្គលោក ហ៊ុន សុខា គឺការអញ្ជើញអ្នកកាសែត ជាច្រើនអ្នកឱ្យទៅចូលរួមក្នុង ពិធីជប់លៀងនៅព្រែកលៀប តាមរយៈលោក ស៊ុន សាមេឃ ចាងហ្វាងកាសែត ជ័យជំនះ ៧មករា ។ ប៉ុន្តែក្រោយមក លោក ស៊ុន សាមេឃ ត្រូវបាន គេអះអាងថាមានទំនាស់ជា មួយលោក ហ៊ុន សុខា បើតាម ព័ត៌មាន គឺជាទំនាស់ផលប្រ យោជន៍ទើបធ្វើឱ្យភាពស្និទ្ធ ស្នាលរវាងអ្នកទាំងពីរមើល មុខគ្នាមិនចំហើយក៏លេចឮ រឿងឈ្មោះ ហ៊ុន សុខា ថាជា មេឈ្មួញឈើដ៏សកម្មក្នុងស្រុក ជ័យសែន ខេត្តព្រះវិហារ ។
ក្រោយមកទៀតលេចចេញ ហេតុការណ៍តាមចាងហ្វាង កាសែតអធិបតីទូរស័ព្ទមកចាង ហ្វាងកាសែតជាតិទាំងយប់ឱ្យជួយអន្តរាគមន៍ចំពោះករណី ភ្នាក់ងារកាសែតជាតិប្រចាំ ខេត្តព្រះវិហារឃាត់ឡានដឹក ឈើលោក ហ៊ុន សុខា ចំនួនពីរ គ្រឿង ។ មិនដឹងថា លោក ហ៊ុន សុខា មានតួនាទីជាអ្វី នោះទេស្រាប់តែចំណាយលុយ ទៅឱ្យអ្នកកាសែតណាដែល ចេញផ្សាយដាក់ឈ្មោះនិង គោរម្យងារថា ឯកឧត្តម ហ៊ុន សុខា ជាប្រធានក្រុមប្រឹក្សាភិ បាលកាសែតនោះ នៅលើទំព័រ កាសែតនោះ នឹងទទួលបាន ៥០ដុល្លារក្នុងការចេញផ្សាយ មួយលេខៗ ។
មានអ្នកកាសែតខ្លះបានមក ផ្តល់ព័ត៌មានឱ្យកាសែតជាតិចុះ ផ្សាយដោយដាក់ឈ្មោះនិង គោរម្យងារថា ឯកឧត្តម ហ៊ុន សុខា ជាប្រធានក្រុមប្រឹក្សាភិ បាលនៅក្នុងទំព័រកាសែតជាតិ នោះគេអះអាងថានឹងទទួល បាន ៥០ដុល្លារ ដូចគ្នាដែរ ។
នៅពេលដែលចាងហ្វាង កាសែតជាតិ សួរនាំរកព្រះរាជ ក្រឹត្យតែងតាំងជាគោរម្យងារ ថ្នាក់ ឯកឧត្តម ក៏ស្រាប់តែមាន ការសួរនាំទៅលោក ហ៊ុន សុខា សុំពិនិត្យមើលទៅលើព្រះរាជ ក្រឹត្យក៏ស្រាប់តែបែករឿងរហូត ធ្វើឱ្យលោក ហ៊ុន សុខា បញ្ចប់ ការឱ្យដាក់ឈ្មោះនិងគោរម្យ ងារ ឯកឧត្តមប្រធានក្រុមប្រឹក្សា ភិបាលនៅក្នុងទំព័រកាសែត តទៅទៀត ។ ដោយមិនយូរ ប៉ុន្មានលេខមុខ ហ៊ុន សុខា មក បន្តបើកក្លឹបអ្នកកាសែតឯករាជ្យ ប៉ុន្តែអ្វីដែលចម្លែក គឺក្លឹបអ្នក កាសែតឯករាជ្យហាក់ពុំបាន បំពេញតួនាទីជាអ្នកការពារ អ្នកកាសែតអ្វីឡើយ ផ្ទុយទៅ វិញគឺគ្រាន់តែបានបង្ហាញឥទ្ធិ ពលស្ថិតក្រោមរូបភាពមនុស្ស ធម៌ផ្តល់លុយឱ្យអ្នកកាសែត ចាស់ៗនិងជួយឧបត្ថម្ភអ្នកកាសែតដែលចេញពីគុកទៅវិញ ។
សកម្មភាពមនុស្សធម៌របស់ ក្លឹបអ្នកកាសែតឯករាជ្យដែល មានលោក ហ៊ុន សុខា ជា ប្រធាននៅពេលបរិច្ចាគប្រាក់ ទៅឱ្យអ្នកកាសែតម្តងៗគឺបាន បង្ហាញចេតនាវាយបកតាម គេហទំព័រលើកតម្កើងក្លឹបអ្នក កាសែតឯករាជ្យ របស់ខ្លួន តាមការបង្អាប់បន្តុះសមាគម និងក្លឹបអ្នកកាសែតដទៃទៅវិញ។
មិនដឹងថា ប្រធានក្លឹបអ្នកកាសែតឯករាជ្យដែលមាន លោក ហ៊ុន សុខា ជាប្រធាន មានកម្រិតយល់ដឹងក្នុងទិសដៅ បង្កើតក្លឹបអ្នកកាសែតឯករាជ្យ ឬគ្រាន់តែចង់បង្កើតក្លឹបអ្នកកាសែតឯករាជ្យដើម្បីបិទបាំងសកម្មភាពទុច្ចរិតរបស់ខ្លួនឬយ៉ាងណានោះទេ ព្រោះបើផ្អែកទៅលើគោលការណ៍ចាំបាច់ របស់សមាគមឬក្លឹបអ្នកកាសែតឯករាជ្យ គឺគេបង្កើតឡើងក្នុងវត្ថុបំណងការពារអ្នកកាសែតដែលរងការរំលោភបំពានណាមួយក្នុងន័យជម្រុញ ឱ្យសេរីភាពអ្នកសារព័ត៌មាន អាចមានលទ្ធភាពផ្សព្វផ្សាយ ឱ្យទូលំទូលាយតែប៉ុណ្ណោះ ។
ដូច្នេះហើយទើបថ្មីៗនេះ មានអ្នក Lobby មកបង្ហើប ប្រាប់ចាងហ្វាងកាសែតជាតិថា ពូចាស់បន្តិចហើយអាចឱ្យខ្ញុំចុះឈ្មោះយកអំណោយពីលោក ហ៊ុន សុខា គឺពិតជា អាចទទួលបានប្រាក់ពី ៦០ម៉ឺន រៀល ឬក៏អាចដល់ ២០០ ដុល្លារផង ។ ចំណែកខ្ញុំវិញ គឺ ចាំថតរូបទទួលអំណោយរួច បង្ហោះតាមគេហទំព័រភ្លាមៗ ដើម្បីបង្ហាញថា ក្លឹបអ្នកកាសែតឯករាជ្យពិតជាជួយអ្នកកាសែតពិតប្រាកដមែនមិនដូចសមាគមក្លឹបអ្នកកាសែតដទៃទៀតនោះទេ ។ នៅពេលចាងហ្វាងកាសែតជាតិ សួរនាំទៅវិញថា ចុះបើ ហ៊ុន សុខា ជាឧក្រិដ្ឋជនគ្រឿងញៀនរួចថតរូបទទួលលុយជាអំណោយ តើនៅពេលដែលសមត្ថកិច្ចរកឃើញថា លោក ហ៊ុន សុខា ជាក្រិដ្ឋជន វិញនោះ តើគេអាចចោទប្រកាន់ថា អំណោយឱ្យក្លាយជាចែកហ៊ុនក្នុងបទឧក្រិដ្ឋបានដែរ ឬទេ ? ។
ម្យ៉ាងវិញទៀត ផ្អែកតាមសកម្មភាពដូចបានរៀបរាប់ ខាងលើ អាចនិយាយបានថា ប្រភពលុយ ដែលយកមកចែក គឺពុំដឹងជាបានពីប្រភពណា ជាក់ស្តែងទូរទស្សន៍ហង្សមាស គឺគេបានបញ្ជាក់ពីប្រភពលុយ ដែលបរិច្ចាគហើយ បើគ្មាន អាថ៌កំបាំងនៅពីក្រោយសប្បុរ សជននោះទេ ទំនងជាក្លឹបអ្នក កាសែតឯករាជ្យគ្មានអំណោយ មកដល់អ្នកកាសែតនោះដែរ ។ ព្រោះបើគ្រាន់តែមានទឹកចិត្ត សប្បុរសជនដូចមិនចាំបាច់មក បើកក្លឹបអ្នកកាសែតឯករាជ្យ នោះឡើយ ហើយវត្ថុបំណង ដែលអ្នកកាសែតចង់បាននោះ គឺមិនមែនអំណោយនោះឡើយ ដោយចេតនាល្អបែបនេះគឺវា មានលក្ខណៈផ្ទុយទៅនឹង គោលការណ៍ទាំងស្រុងរបស់ សមាគមឬក្លឹបអ្នកកាសែត ដែលច្បាប់សម្រេចឱ្យបង្កើត ឡើងទៅវិញ ។
ជាតិយល់ថា សកម្មភាព បែបនេះមិនខុសពីចេតនាលើក តម្កើងខ្លួនឱ្យធំដូចក្មេងផ្លុំប៉េត ប៉ោងនោះឡើយព្រោះវាងាយ នឹងផ្ទុះបែកណាស់ ៕
