ដោយ ៖ ជាតិ
ក្រោយការសម្រេចចិត្ត របស់គណបក្សប្រឆាំងសង្គ្រោះ ជាតិ ដើរចូលសភាដោយបាន ធានាលើការព្រមព្រៀងតាម រយៈគណៈកម្មការជំនាញធ្វើ ការសម្របសម្រួលឱ្យមានការ កែទម្រង់ទាំងនយោបាយនឹង ការប្រព្រឹត្តទៅនៃគណៈកម្មាធិ ការការរៀបចំការបោះឆ្នោត រួចមក រហូតមកដល់ពេលនេះ មានប្រតិកម្មពីអង្គការក្រៅរដ្ឋា ភិបាល ជុំវិញភាពអសកម្មរវាង គណបក្សទាំងពីរថា មិនបាន គោរពទៅតាមឆន្ទៈរាស្ត្រជា ម្ចាស់ឆ្នោត ។ ភាពអសកម្មក្នុង ការសម្របសម្រួលរវាងគណ បក្សជាប់ឆ្នោតទាំងពីរបង្កើត បានជាចលនារិះគន់តាមប្រព័ន្ធ ផ្សព្វផ្សាយកាន់តែមានស្ថានភាព ក្តៅគគុកដោយនៅក្នុងតំណាក់ កាលចុងក្រោយនេះត្រូវបាន មជ្ឈដ្ឋានអ្នកនយោបាយរុញ ច្រានឱ្យបញ្ចប់ការជឿទុកចិត្ត តាមការបង្កើតគណបក្សថ្មីមួយ ដែលផ្តួចផ្តើមចេញពីអង្គការ ក្រៅរដ្ឋាភិបាលទៅវិញ ។
ពិតណាស់ថា រាល់មុខទំនិញ គេអាចដឹងចំណេញតិចឬច្រើន បានតាមការលក់បានតិចឬច្រើន ដោយប្រើឯកតាថ្លឹងដោយ ជញ្ជីង ។ ប៉ុន្តែការសម្រេចចិត្ត បើកគណបក្សថ្មីដើម្បីស្វែងរក ផលចំណេញចេញពីភាព អសកម្ម គឺពិតជាមិនអាចមាន ឯកតាអ្វីមួយយកមកវាស់ស្ទង់ ឬថ្លឹងដូចទំនិញបានឡើយដែល តម្រូវឱ្យអ្នកគិតថា វាពិតជា ចំណេញទៅលើកត្តាអ្វីខ្លះហើយបន្តខាតបង់ទៅលើកត្តាអ្វីខ្លះ ។
ទោះបីថា ការស្វែងរកផល ចំណេញក្រោមរូបភាពនយោ បាយវាពិតជាគ្មានឯកតាសម្រាប់ វាស់ស្ទង់ឬថ្លឹងក៏ពិតមែន! ប៉ុន្តែ សម្រាប់នៅបណ្តាប្រទេស ជឿនលឿន គឺគេអាចដឹងបាន តាមការធ្វើប្រជាមតិពីស្ថាប័ន អង្គការណាមួយក៏អាចដឹងបាន ពីលទ្ធផលបាននោះដែរ ។
ចំណែកនៅកម្ពុជាវិញ ករណីធ្វើប្រជាមតិពិតជាមិន អាចទៅរួចបានឡើយ ដោយ គេអាចលើកយកពីធនធាន មនុស្សនៅក្នុងសង្គមខ្មែរនៅ មានកម្រិតយល់ដឹងតិចតួចនៅ ឡើយ ។
ពុំមែនមានន័យថា គ្មានការ វាស់ស្ទង់ឬការដឹងបានតាមការ ធ្វើប្រជាមតិមិនអាចដឹងបានគឺ អស់លទ្ធផលក្នុងការស្វែងរក ផលចំណេញឬខាតបង់ដែល ផ្តើមចេញពីការបង្កើតគណ- បក្សនយោបាយក្រោមរូបភាព របស់អង្គការក្រៅរដ្ឋាភិបាល នោះឡើយព្រោះចំនួនពិតដែល អង្គការនីមួយៗនៅស្រុកខ្មែរ ទទួលបាននៅការគាំទ្រពីមជ្ឈ ដ្ឋានប្រជាពលរដ្ឋហាក់បាន កំណត់នៅក្នុងសកម្មភាពរបស់ អង្គការក្រៅរដ្ឋាភិបាលរួចស្រេច ទៅហើយ ។ អាចមានឧទា-ហរណ៍ច្បាស់លាស់ថា លោក ម៉ម សូណង់ដូ អគ្គនាយកវិទ្យុ សំបុកឃ្មុំ និងជាប្រធានសមា គមអ្នកប្រជាធិបតេយ្យដែល មានសមាជិកចូលរួមជាង ១ លាននាក់ ។ ក្នុងករណីសមាជិក១លាននាក់ របស់សមាគម អ្នកប្រជាធិបតេយ្យគឺអាចជា មនុស្សគាំទ្រក្នុងបក្សសង្គ្រោះ ជាតិ ៨០ភាគរយ ទៅហើយ ដូច្នេះនៅសល់២០ភាគរយ សម្រាប់សមាជិកគាត់ទូទាំង ប្រទេសគឺអាចទទួលបានការ គាំទ្រឆាកនយោបាយតែត្រឹម មួយកៅអី រដ្ឋសភា ឬអត់ផង ក៏អាចថាបាន ។
ចំណែកបេក្ខភាពលោក យ៉ង់ សាំងកុមា ដែលជាអង្គការសេដាកអនុវត្តគម្រោងកសិ កម្មធម្មជាតិ គឺអាចមានការ គាំទ្រចេញពីមជ្ឈដ្ឋានបក្សជាប់ ឆ្នោតទាំងពីរ ដោយការគាំទ្រ នោះគឺស្ថិតនៅក្នុងលក្ខខណ្ឌមិន ច្បាស់លាស់ថែមទៀតផង ។
ប្រសិនបើលោក យ៉ង សាំង កុមា ចង់ប្រែក្លាយពីអង្គការ ស្ថិតក្នុងគម្រោងកសិកម្មទៅ ជាបក្សនយោបាយ គឺពិតជា គ្មានអ្វីចំណេញនោះឡ៉ើយ ក្រៅពីវិលត្រឡប់មកស្តារអងក្គារខ្លួនវិញ ក្រោយការបោះ ឆ្នោតឆ្នាំ២០១៨ ។
នៅមានលោកបណ្ឌិត កែម ឡី, លោក គល់ បញ្ញា ប្រធាន អង្គការខុមហ្វ្រែល ទោះបីថា គម្រោងសង្កេតការរបស់អង្គ- ការខុមហ្វ្រែលប្រើប្រាស់ធន ធានមនុស្ស រហូតដល់ជាង ១០០០០នាក់ក៏មិនអាចស្រូប យកអ្នកគាំទ្របានច្រើនតទៅ ទៀតនោះដែរ ។ ម្យ៉ាងវិញ ទៀតអ្នកសង្កេតការភាគច្រើន ដែលបម្រើការឱ្យអង្គការខុម ហ្វ្រែល គឺជាសមាសភាពអ្នក នយោបាយឈ្នះឆ្នោតទាំងពីរ មិនមែនជាសមាសភាពក្នុង សមាជិកសកម្មរបស់អង្គការ ខ្លួនឯណា ។ ចំពោះការផ្តល់ តម្លៃទៅឱ្យលោកបណ្ឌិត កែម ឡី គឺស្ថិតក្នុងមជ្ឈដ្ឋានបញ្ញាវ័ន្ត ឬអ្នកដែលចូលចិត្តតាមដាន រឿងនយោបាយតែ ប៉ុណ្ណោះ ដែលពុំអាចចាត់ទុកបានថា គាត់បង្កើតបក្សនយោបាយគឺ អាចមានអ្នកគាំទ្រច្រើនបាន នោះឡើយ ។
មានតែបន្តជម្រុញបក្សទាំង ពីរជាប់ឆ្នោតធ្វើការកែទម្រង់ ស្របតាមសង្គមប្រជាធិបតេយ្យ ឱ្យកាន់តែមានភាពល្អប្រសើរ ទេ ទើបអាចរក្សាបាននូវវត្ថុ បំណងដែលអ្នកស្នេហាជាតិ កំពុងដាក់ការព្រួយបារម្ភពីអនា គតនៅកម្ពុជាបាន ។ ទោះបី ថា ការទទួលបាននោះវាស្ថិត នៅក្នុងកម្រិតតិចតួចក៏ពិតមែន ! ប៉ុន្តែវាអាចប្រសើរជាងការ ស្រមើស្រមៃលើមហិច្ឆិតាមិន ច្បាស់លាស់ គឺពិតជា មិនបាន ចំណេញអ្វីដូចការគ្រោងទុក នោះឡើយ ៕
