ដោយ ៖ ជាតិ
បក្សសង្គ្រោះជាតិ កើត ចេញពីការច្របាច់ចូលគ្នារវាង គណបក្សសម រង្ស៊ី និងគណ បក្សសិទ្ធិមនុស្ស តាមការព្រម ព្រៀង រវាងលោក សម រង្ស៊ី និងលោក កឹម សុខា ។ បើ និយាយដល់ការក្តោបអំណាច តាមរបៀបគ្រួសារនិយមវិញ អាចឱ្យលោក ស៊ុន ឆ័យ ក្រ- ឡេកមើលសមាសភាពក្នុង បក្សសិទ្ធិមនុស្ស និងបក្ស សម រង្ស៊ី ដែលច្របាច់ចូលគ្នាជាបក្ស សង្គ្រោះជាតិ ក៏ឃើញយ៉ាង ច្បាស់ថា ក្រុមលោក កឹម សុខា និងក្រុមលោក សម រង្ស៊ី តើ ក្រុមមួយណាដែលល្មោភខាង ចងក្រងគ្រប់គ្រងអំណាចតាម របៀបគ្រួសារនិយម ដែល លោក ស៊ុន ឆ័យ គួរតែវះកាត់ កែទម្រង់លើក្រុមគ្រួសារនិយម ទើបអាចឆ្លើយតបទៅនឹងការ រិះគន់ ចំពោះបក្សកាន់អំណាច ប្រកបដោយតម្លាភាពបានពិត ប្រាកដ ។
ពិតណាស់ថា លោក មិត្ត ការ៉ែន អគ្គលេខាធិការរងរដ្ឋ សភាជាតិជាប់ពាក់ព័ន្ធទៅនឹង អំណាចគ្រួសារនិយម ប៉ុន្តែ លោក ស៊ុន ឆ័យ ក៏ត្រូវក្រឡេកមើលក្នុងជួរបក្សសង្គ្រោះ ជាតិ តើមានពាក់ព័ន្ធការប្រ- មូលផ្តុំអំណាចគ្រួសារនិយម ដែរឬអត់ ព្រោះគ្រាន់តែសមា ជិកព្រឹទ្ធសភា លោក គង់ គាំ ម្នាក់បញ្ចូលកូនប្រុស ២ នាក់ ឱ្យធ្វើតំណាងរាស្ត្រក្នុងមណ្ឌល ខេត្តព្រៃវែង, ខេត្តស្វាយរៀង។
ចំណែកលោក យឹម សុវណ្ណ សណ្តោងទាំងប្រពន្ធដើមនិង ប្រពន្ធចុងឱ្យក្លាយជាសមាជិក រដ្ឋសភាថែម ទៀតផង ។ រីឯ លោក អេង ឆៃអ៊ាង ក៏បាន សណ្តោងខ្សែស្រឡាយលោក គួយ ប៊ុនរឿន ឱ្យឈរឈ្មោះជា តំណាងរាស្ត្រផងដែរ ដែល ក្រុមអ្នកវិភាគមានចម្ងល់ថា តើហេតុអ្វីបានជាលោក ស៊ុន ឆ័យ មិនព្រមលើកឡើងដើម្បី ធ្វើការកែទម្រង់អំណាចគ្រួសារ និយមនៅក្នុងបក្សរបស់ខ្លួនទៅ វិញ ។
ទោះបីថា បក្សសង្គ្រោះជាតិ មិនទាន់បានកាន់អំណាចក៏ពិត មែន ! ប៉ុន្តែបើឈ្នះឆ្នោតក្នុង អាណត្តិទី ៦ តើអាចទប់ស្កាត់ ការផ្តុំអំណាចក្នុងគ្រួសារនិយម បានដោយរបៀបណា ព្រោះ បើមិនទាន់ឈ្នះឆ្នោតផងគឺ ប្រមូលផ្តុំអំណាចគ្រួសារនិយម បែប ហ្នឹងទៅហើយនោះ ។ វា ពិតជាចេតនាល្អហើយដែល លោក ស៊ុន ឆ័យ ហ៊ានដាស់ តឿនដល់បក្សកាន់អំណាចក្នុង ការលុបបំបាត់គ្រួសារនិយម នៅក្នុងរដ្ឋសភា ប៉ុន្តែមិនមាន ន័យថា ភ្លេចមើលបក្សប្រឆាំង ខ្លួនឯងដែលពោរពេញទៅ ដោយការប្រមូលផ្តុំក្រោមរូប ភាពគ្រួសារនិយមនោះផងដែរ។
មានការប្រៀនប្រដៅពីគ្រូ បាអាចារ្យមកថាការដុះសម្អាត ខ្លួនឯងឱ្យល្អស្អាតអាចជាគំរូឱ្យ អ្នកដទៃ គេធ្វើតាមថែមទាំង ទទួលបាននូវការកោតសរសើរ ថែមទៀតផង ។ ប៉ុន្តែបើខ្លួន ឯងវាអត់ស្អាតរួចប្រៀនប្រដៅ គេឱ្យសម្អាតខ្លួនមិនខុសអ្វីនឹង យកសាំងទៅពន្លត់ភ្លើងនោះ ឡើយ ទីបញ្ចប់អាយ៉ៃឆ្លើយ ឆ្លងតបទៅតបមកយកត្រូវតែ រៀងខ្លួន ពិតជាមិនអាចឱ្យអ្នក គាំទ្រសន្មតបានពីភាពត្រឹមត្រូវ បាននោះឡើយ ៕
