បន្ទាយមានជ័យ ៖ ជនរងគ្រោះម្នាក់ និងម្ដាយបានទម្លាយអាថ៏ កំបាំងរឿងចាស់ ក្រោយពីរឿងថ្មីទទួលរងនូវភាពអយុត្តិធម៌ខ្លាំងពេកគេវាយឲ្យរបួស ហើយប៉េអឹមចាប់ញាត់ទ្រុងទាំងរបួសថែមទៀត ខណៈក្រុមបង្កបានត្រឹមតែសមត្ថកិច្ចហៅសួរនាំរួចឲ្យវិល ត្រឡប់វិញដោយគ្មានបញ្ហាអ្វីសោះ ។ ការរៀបរាប់ដូចខាងលើនេះ គឺកាលពីវេលាម៉ោងជាង ១០ ព្រឹក ថ្ងៃទី ២៥ មិថុនា ឆ្នាំ២០១៣ ក្នុងគ្លីនិកមួយយីហោរក្សាសុខទេវិន្ទនៅភូមិក្បាលស្ពាន ០១ សង្កាត់និង ក្រុងប៉ោយប៉ែត ដែលជនរងគ្រោះឈ្មោះហួត ចាន់ សៀក ភេទប្រុស អាយុ២២ឆ្នាំ ជាអ្នកជ្រេទំនិញចេញពីដីថៃនៅច្រកទ្វារអន្តរជាតិប៉ោយប៉ែត និងស្រ្តី ជាម្ដាយឈ្មោះសឹង នី អាយុ៤៩ឆ្នាំ អ្នកទាំង២មានទីលំនៅភូមិព្រៃព្រិច សង្កាត់និងក្រុងប៉ោយប៉ែត។
ទាំង២នាក់ម្ដាយកូនបានប្រាប់ក្រុមអ្នកយកព័ត៏មានថា កាលពីវេលារំលងអាធ្រាត្រយប់ថ្ងៃទី ២២ ខែ មិថុនា ឆ្នាំ២០១៣ ឈានចូលវេលារំលងអាធ្រាត្រថ្ងៃទី២៣ (ជនរងគ្រោះ) បានទៅផឹកស៊ីនៅមជ្ឈ មណ្ឌល សាន់កូសឹនធ័រ ឬហៅឌីស្កខាវ័ររី ,ឌីស្កូ និងបៀកាដឹន ជាមួយមិត្តភ័ក្រម្នាក់ ហើយបានហៅ ស្រីបំរើនៅទីនោះម្នាក់ឲ្យអង្គុយជាមួយលុះបញ្ឈប់ការផឹកស៊ីក៍ដើរចេញប្រុងត្រឡប់មកផ្ទះ ប៉ុន្តែត្រូវក្រុមសន្តិសុខនៅទីនោះព្រួតវាយធ្វើបាបនិងឈើជ្រុងព្រមទាំងទាត់ធាក់យ៉ាងទ្រមខ្លួន ។ ជនរងគ្រោះបានរងរបួស បែកក្បាល២កន្លែងនិងដេរជាច្រើនថ្នេរព្រមទាំងអះអាងថា ត្រូវគេវាយទាត់ធាក់ ស្ទើរពេញខ្លួន។
គ្រួសារខាងលើបន្តទៀតថា ការទទួលរងគ្រោះនេះហាក់អយុត្តិធម៏ណាស់ ព្រោះក្រោយពីរងរបួស (ជនរងគ្រោះ) ត្រូវបានសមត្ថកិច្ចប៉េអឹមនាំយកទៅឲ្យគ្រូពេទ្យជួយដេររបួស បន្ទាប់មកក៍បញ្ជូនទៅ ញាត់ទ្រុងដ៏រាបណាមានមន្ត្រីអង្គការសិទ្ធិមនុស្សមួយជួយអន្តរាគមន៍ទើបត្រូវគេដោះលែងវិញ នាវេលាម៉ោងប្រហែល៨ព្រឹកថ្ងៃកើតហេតុ ចំណែកឯក្រុមសន្តិសុខបង្ករ សមត្ថកិច្ចមិនមានចំណាត់ការ អ្វីសូម្បីតែបន្តិច គឺបានត្រឹមតែហៅសួរនាំរួចឲ្យវិលត្រឡប់។
ដោយឡែក ភ្ជាប់ជាមួយនិងការជួបសម្ភាសជាមួយអ្នកយកព័ត៏មានគ្រួសារមួយខាងលើនេះបានទម្លាយរឿងមួយទៀតដែលបានកើតឡើងកាលពីយប់ថ្ងៃទី១៣ ខែឧសភា ឆ្នាំ២០១៣ថា ខ្លួន (ជនរង គ្រោះ) នៅយប់ថ្ងៃទី១៣ ខែឧសភានោះ ខណះកំពុងជិះម៉ូតូដើលេងនៅផ្លូវដើមពុទ្រា ឆ្ពោះទៅទឹក ដីកាស៊ីណូ ក៍ជួបអ្នកស្គាល់ម្នាក់សុំជិះម៉ូតូដោយមិនដឹងថា អ្នកស្គាល់នោះមានបញ្ហាអ្វីនោះទេ លុះកំពុងជិះម៉ូតូក៍ស្រាប់តែកម្លាំងប៉េអឹមតាមប្រម៉ាញ់ដេញប៉ផាប់ចាប់ប៉ភីង ឯអ្នកសុំជិះនោះក៍លោតចុះ ពីម៉ូតូគេចខ្លួនបាត់។
គ្រួសារខាងលើបន្តថា ពេលនោះជនរងគ្រោះត្រូវប៉េអឹមក្របួចយកទៅមូលដ្ឋានប៉េអឹមក្រុងទាំងម៉ូតូ ម៉ាកសង់សេ១២៥ ពណ៏ខ្មៅ សេរីឆ្នាំ២០១០មួយគ្រឿង ។ ជនរងគ្រោះខាងលើបន្តថា ភ្លាមៗខ្លួនមិនបានដឹងថា អ្នកសុំជិះពាក់ ព័ន្ធរឿងអ្វីនោះទេ ទាល់តែសមត្ថកិច្ចយកខ្លួនទៅដល់មូលដ្ឋានប៉េអឹមក្រុង ទើបដឹងថាអ្នកសុំជិះនោះពាក់ព័ន្ធនិងរឿងបង្កហឹង្សាគឺវាយគេឲ្យរបួស ។ទោះជាបែបណាគ្រួសាររងគ្រោះខាងលើនិយាយថាក្រោយហេតុការណ៍កើត ឡើង ត្រូវ ប៉េអឹមក្រុងជម្រឹតទារប្រាក ់រហូតដល់ ទៅ៣០០០ដុល្លា ហើយបានតថ្លៃគ្នាទៅមកស្អិតដូចទាញស្ករតាំងម៉ែ ទីបំផុតបានបញ្ចប់ត្រឹមតម្លៃ ១២០០ ដុល្លា បូករួមទាំងថ្លៃទឹកតែនាយអាយអស់សរុប១៣០០ដុល្លា ទើបបញ្ចប់រឿង ហើយខ្លួន (ជនរងគ្រោះ)ត្រូវសមត្ថកិច្ចដោះលែងទាំងម៉ូតូផងដែរ។
ជុំវិញរឿងរ៉ាវខាងលើរឿងសន្តិសុខ មជ្ឈមណ្ឌលសាន់កូសឹនធ័រ វាយធ្វើបាបជនរងគ្រោះត្រូវលោក ហម ម៉ុត មេ បញ្ជាការអាវុធហត្ថក្រុងប៉ោយប៉ែតប្រាប់តាមទូរស័ព្ទថា វាពិតជាកើតមានមែន ប៉ុន្តែលោកថា ហេតុការណ៍នោះធាតុ ពិតជនរងគ្រោះជាភាគីបង្កមុន ហើយផ្ទុះជម្លោះក្នុងពេលផឹកស៊ី ។ លោកបានបដិសេធន៍ភ្លាមៗថា មិនបានធ្វើការ ឃុំខ្លួនជនរងគ្រោះដូចការចោទប្រកាន់នោះទេ ហើយលោកបញ្ជាក់ថា បញ្ហាហ្នឹងលោកកំពុងចាត់ការស្រាវជ្រាវជួយ រកយុត្តិធម៌ជូនជនរងគ្រោះផងដែរ។
ដោយឡែកឯរឿងយប់ថ្ងៃទី១៣ ឧសភា ឆ្នាំ២០១៣ រឿងចោទប្រកាន់ជម្រឹតទារប្រាក់រហូតដល់ទៅ៣០០០ដុល្លា ហើយហាងឆេងតថ្លៃគ្នាធ្លាក់ចុះយ៉ាងត្រដែតដល់ ១២០០ ដុល្លា រួមទាំងថ្លៃក្រោមតុ សរុប១៣០០ដុល្លា ជាថ្នូរនឹង ការដោះលែងទាំងគ្មានកំហុសផងនោះ ត្រូវលោកមេប៉េអឹមឈ្មោះ ហម ម៉ុតបដិសេធន៍ថា ជារឿងមិនពិត ។
គេចាំបានថា កន្លងមក ក៏ធ្លាប់មានអ្នកម៉ូតូឌុបមួយចំនួនបានមកប្រាប់អ្នកយកព័ត៏មានថា ពួកខ្លួនត្រូវប៉េអឹមក្រុង ប៉ោយប៉ែតចាប់ទៅវាយធ្វើបាបខ្លះវាយទាំងរបួសនិងជម្រឹតទារប្រាក់ដូចគ្នា ប៉ុន្តែពេលអ្នកសាព័ត៏មានសាកសួរ លោក ហម ម៉ុតតែងតែបដិសេធន៍មិនទទួលខុសត្រូវឡើយឬមួយរឿងនេះ អ្នកប្រព្រឹត្តបានព្យាយាមលាក់លៀមលោក ហម ម៉ុត ឬក៏លោក ហម ម៉ុត ដឹងហើយធ្វើជាមិន ដឹង?????
គួរបញ្ជាក់ថា ដោយសារមានករណីអយុត្តិធម៏ជាបន្តបន្ទាប់ហើយគ្មានអ្នកទទួលខុសត្រូវនេះឯង ទើបកន្លងមកមាន សមាគមន៍មួយសុំធ្វើបាតុកម្មដោយសន្តិវិធីដើម្បីទាមទារសិទ្ធនិងលក្ខ័ណ្ឌការងារ ៦ ចំណុចដែលពេលក្បួនបាតុកម្ម កើតឡើង ក្រុមបាតុករបានស្រែកដៀមដាមទៅលើសមត្ថកិច្ច ពិសេស ប៉េអឹមរឿងចាប់ពលករតាមផ្ទះ សំណាក់, ចាប់ម្ចាស់ផ្ទះសំណាក់ទាំងគ្មានកំហុស បញ្ជូនទៅតុលាការ និងការចាប់ក្រុមអ្នកម៉ូតូឌុបទៅជម្រិតទារប្រាក់ជាដើម ។ សល់មិនប៉ុន្មានថ្ងៃទៀតនោះទេ នឹងដល់ ថ្ងៃបោះឆ្នោតហើយ ដូច្នេះបើស្រលាញ់តេជោ ត្រូវតែស្រលាញ់ប្រជាពលរដ្ឋ ព្រោះសន្លឹកឆ្នោតសំខាន់ ណាស់ ៗៗៗៗៗ ៕
