ខេត្តរតនគិរីៈឯកឧត្តមឧត្តមសេនីយ៍ទោ លី សូរ៉ារិទ្ធមេបញ្ជាការរងយោធភូមិភាគទី១ តំណាងឲ្យឯកឧត្តម ឧត្តមសេនីយ៍ឯក មេបញ្ជាការ យោធភូមិភាគទី១ បានអញ្ជើញ ជាអធិបតី ក្នុងពិធីប្រកាស តែងតាំង ផ្លាស់ប្តូរ មុខងារ មេបញ្ជាការ សឹករង ក្រុងបានលុង កាលពីព្រឹក ថ្ងៃទី ២៨ ខែ កក្កដា ឆ្នាំ ២០១៤ នៅសាលា ប្រជុំតបន់ ប្រតិបត្តិការ សឹករង ខេត្ត រតនគិរី ។ ដោយមាន ការអញ្ជើញ ចូលរួមពី លោកអភិបាលរង ក្រុងបានលុង លោកស្នងការរង រួមនឹងនាយទាហាន ជាច្រើននាក់ ក៏បានចូលរួម ផងដែរ ។
លោក វរៈសេនីយ៍ឯក ម៊ុយ សុផាត នាយសេនាធិការ និងជា មេបញ្ជាការរង តំបន់ប្រតិបត្តិការ រតនគិរី បានឡើងអាន របាយការណ៍ ស្វាគមន៍ ស្តីពីការរីកចំរើន និងការអភិវឌ្ឍ ដែលអង្គភាព តំបន់ប្រតិបត្តិការ សឹករង សម្រេចបាន កន្លងមក ដែលមានស្នាដៃ គួរឲ្យកត់សម្គាល់ ជូនអង្គភាព ក៏ដូចជាជូន ជាតិទាំង ការសហការណ៍ការហ្វឹកហ្វឺន ការកសាងជំរុំ បន្ទាយ កន្លែងធ្វើការ កន្លែងស្នាក់នៅ របស់កងទ័ព ។
បន្ទាប់ពីបាន ស្តាប់នូវ ការអានសេចក្តី សម្រេចលេខ ៣០តតផប.០៧១៤ ដែលអានដោយ លោក វរៈសេនីយ៍ឯក ចរ ចាយ នាយការិយាល័យទី១ សម្រេច ប្រការ១: ត្រូវបានតែងតាំង ផ្លាល់ជូនមុខងារ លោកអនុសេនីយ៍ឯក ហ៊ នឿន អត្តលេខ០២៨២២៨ មុខងារ មេបញ្ជាការរង ផ្នែកសឹករង អណ្តូងមាស មកជា មេបញ្ជាការ ផ្នែកសឹករង ក្រុងបានលុង ។
លោក វរៈសេនីយ៍ត្រី ទូច រ័ត្នមន្នី មេបញ្ជាការ ផ្នែកសឹករង ក្រុងបានលុង មកជានាយរង សេនាធិការ តំបន់ប្រតិបត្តិការ សឹករង ខេត្ត រតនគិរី ។
ក្រោយពីប្រគល់ និងទទួល សេចក្តីសម្រេច ពីឯកឧត្តម ឧត្តមសេនីយ៍ទោ លី សូរ៉ារិទ្ធ ឯកឧត្តម បានមានមតិ សំណេះសំណាល និងផ្តល់គន្លឹះ បទពិសោធន៍ ជាច្រើនរំលឹកដល់ នាយទាហ៊ាន ទាំងអស់ ជាពិសេស នាយទាហ៊ាន ដែលទើបតែត្រូវ បានទទួល ការតែងតាំង ត្រូវយកចិត្ត ទុកដាក់លើ ការងារ ដែលអង្គភាព ប្រគល់ជូន ត្រូវមាន ទំនាក់ទំនងល្អ ជាមួយអាជ្ញាធរ និងប្រជាពលរដ្ឋ ។ ឯកឧត្តមបាន កោតសរសើរចំពោះការអភិវឌ្ឍន៍ និងរីកចំរើន របស់តំបន់ ប្រតិបត្តិការ សឹករង ខេត្ត រតនគិរី ដែលស្នាដៃ គួរឲ្យមាន មោទនភាព ក្រែលែង ។
នៅកិច្ចបញ្ចប់ កម្មវិធីព្រឹកនោះ ផងដែរ ឯកឧត្តម ឧត្តមសេនីយ៍ទោ លី សូរ៉ារិទ្ធ បានអញ្ជើញ ទៅត្រួតពិនិត្យ មើលសិក្ខាកាម ដែលកំពុងតែ បើកវគ្គបំប៉ន រៀនសូត្រ នាយទាហ៊ាន ប្រចាំឆមាសទី២ ឆ្នាំ ២០១៤ស្តីពីដ្ឋានលេខា គឺការអនុវត្ត លើផែនទី ជាក់ស្តែង នៅសាលាអប់រំ ចិត្តសាស្ត្រ នៅចំពោះមុខ សិក្ខាកាម ឯកឧត្តម លី សូរ៉ារិទ្ធ បានមានមតិថា ជាការពិតណាស់ ប្រទេសយើង មានសន្តិភាព ប៉ុន្តែ កងយោធពល ខេមរៈភូមិន្ទ ត្រូវហ្វឹកហ្វឺន រៀនសូត្រ ដើម្បីពង្រឹង និងពង្រីក នូវចំណេះដឹង បន្ថែមទៀត ៕
ដោយៈ តាំង ឧសារ
