ប្រភពព័ត៌មានចុងក្រោយបានឱ្យដឹងថា តុលាការរាជធានីភ្នំពេញ កំពុងបង្កលក្ខណៈ ឱ្យអ្នកទោសទាំង ២៣នាក់ ពីបទចោទប្រកាន់ក្នុងបាតុកម្មហិង្សានៅកំបូល និងសួនកាណាឌីយ៉ា ឱ្យរួចផុតពីការចោទប្រកាន់ ។ ស្ថានការណ៍តឹងតែងរយៈកាលកន្លងមកលើអ្នកទាំង ២៣នាក់ ត្រូវបានគេអះអាងថា បណ្តាលមកពីមានអ្នកស្លាប់ ៥នាក់ និងរបួសជាច្រើនអ្នកថែមទៀតផង តម្រូវឱ្យមានការឃាត់ខ្លួនដើម្បីទាញយកមូលដ្ឋាននៃការចោទប្រកាន់ ដាក់គ្នាតែប៉ុណ្ណោះ ។
ប៉ុន្តែអ្វីដែលធ្វើឱ្យតុលាការសម្រេចឱ្យមានការដោះលែងក្រោមរូបភាពនយោបាយនៅពេលនេះ ត្រូវបានគេអះអាងថា បណ្តាលមកពីមានកិច្ចអន្តរាគមន៍ ចេញមុខពីក្រុមហ៊ុន បញ្ជាទិញ នៅសហរដ្ឋអាមេរិក ទើបតម្រូវឱ្យមានការដោះលែងអ្នកទាំង ២៣នាក់ យ៉ាងតក់ក្រហល់បែបនេះ ។
ក្រុមអ្នកវិភាគបានហៅការដោះលែងអ្នកទាំង ២៣នាក់ គឺពិតជាមានកិច្ចអន្តរាគមន៍ចេញពីរាជរដ្ឋាភិបាល ព្រោះបើផ្អែកលើផ្លូវច្បាប់ គឺត្រូវបន្តទៅឧទ្ធរណ៍ និងកំពូល រហូតអាចឈានដល់ឧត្តមក្រុមប្រឹក្សានៃអង្គចៅក្រម ឯណោះទាន..! ៕
