ដោយ ៖ ជាយដែន
ពលករខ្មែររាប់រយនាក់ កំពុងតែដេកចាំរថយន្តថៃមក ដឹកជញ្ជួនពួកគេនៅតាមច្រក របៀងទាំងប្រថុយប្រថាននឹង គ្រោះថ្នាក់ដើម្បីឆ្លងទៅកាប់ ឈើក្រញូងនៅក្នុងទឹកដីថៃ ។
ក្រុមពលករដែលឆ្លងដែន ទៅប្រទេសថៃនោះគឺទៅតាម ច្រករបៀង ភូមិណងចាន់ ឃុំ អូរបីជាន់ ស្រុកអូជ្រៅ ខេត្ត បន្ទាយមានជ័យដែលនៅទីនោះ មានទាហានជួរមុខការពារព្រំ ដែនគោកដែលគ្រប់គ្រងដោយ លោក តុល សារិន ហៅក្លឹង ដែលគេស្គាល់ថា ជាយោធា ភូមិភាគ ៥ ប្រចាំនៅទីនោះ ។ ហើយក្រុមពលករទាំងនោះ កំពុងដេកចាំមេខ្យល់រត់ការ ទាក់ទងទៅថៃ គេសង្កេត ឃើញនាក់ខ្លះចងអង្រឹងតាម ដុបព្រៃអ្នកខ្លះទៀតចងដេក នៅក្នុងផ្ទះអ្នកស្រុកនិងមួយ ចំនួនទៀត នៅចងអង្រឹងដេក តាមម្លប់ដើមឈើវាលស្រែ ។
ចំណែកពលករដែលចេញ តាមច្រករបៀងខាងលើម្នាក់ៗ មានប្រដាប់ជាប់ខ្លួនដូចជា ពូ ថៅ កាប់បិតផ្គាក់ ខ្សែរសំរាប់ ចងឈើ កង់រទេះនិងភ្លៅរទេះ សម្រាប់ភ្ជាប់កង់ដែលគេសង្ស័យ ថា ជាឧបករណ៍ធ្វើសកម្មភាព ដឹកឈើក្រញូងដែលកម្មករ ទាំងអស់ដោះចេញពីគ្នា ។
គ្រាដែលអ្នកសារព័ត៌មាន ចុះទៅថតផ្តិតយករូបភាពដើម្បី ផ្សព្វផ្សាយមានទាហាជួរមុខ ម្នាក់បានរារាំងប្រើសម្តី មិនគួរ គាប់ចេតនាចង់ប្រើអំពើហិង្សា ទៅលើអ្នកសារព័ត៌មាននិង ក្រុមពលករមួយចំនួន ពន្យុះចង់ ឱ្យប្រើអំពើហិង្សាទៀតផង ។
តាមប្រភពព័ត៌មានពីសមត្ថ កិច្ចបានប្រាប់ថា ក្រុមពលករ ទាំងអស់នោះមកពីបណ្តាខេត្ត ផ្សេងៗមួយចំនួនដែលក្រុម ពលករទាំងនោះចេញទៅកាប់ ឈើក្រញូង ប៉ុន្តែពលករទាំង នោះដេកចាំមេខ្យល់រត់ការ ទំនាក់ទំនងរថយន្តមកដឹក ជញ្ជួន ។ ម្យ៉ាងដោយមានពល ករច្រើនទើបអ្នកខ្លះបានចេញ ដំណើរអ្នកខ្លះទៀតដេករង់ចាំ រថយន្តថៃដឹកពួកគេទៅធ្វើការ កាប់ឈើក្រញូងផងដែរ ។
ដោយឡែក លោក នេត សារី អគ្គកុងសុលខ្មែរប្រចាំ ស្រុកអារ័ញ ខេត្តស្រះកែវកាល ពីរសៀលថ្ងៃទី ២៥ ខែមេសា ឆ្នាំ២០១៤ នេះបានបញ្ជាក់ឱ្យ ដឹងថាមានពលករខ្មែរប្រុសស្រី ជួបគ្រោះថ្នាក់ចរាចណ៍នៅក្នុង ប្រទេសថៃ បណ្តាលឱ្យស្លាប់ ចំនួន៧នាក់និង៩នាក់រងរបួស ធ្ងន់ស្រាលដែលកើតមាន កាល ពីព្រឹកថ្ងៃទី២៥ ខែមេសា ឆ្នាំ ២០១៤ នៅស្រុកណងយៃ ខេត្តឈុនបូរី ។ លោកបន្តថា ពលករខ្មែរទាំងនោះធ្វើដំណើរ ដោយរថយន្តភីអាប់ (វីហ្គោ) ពីព្រំដែនកម្ពុជា-ថៃដោយមាន ល្បឿនលឿនលុះដល់កន្លែង កើតហេតុរថយន្តរងគ្រោះ បែកកង់មុខក៏រេចង្កូតជ្រុលធ្លាក់ ស្នាមភ្លោះតែម្តង ចំណែកអ្នក រងរបួសកំពុងសម្រាកនៅមន្ទីរ ពេទ្យកើតហេតុ ។ តែសព ពលករទាំងនោះមិនទាន់ស្គាល់ អត្តសញ្ញាណនៅឡើយដោយ លោកកំពុងអោយមន្ត្រីជំនាញ ចុះទៅកន្លែងកើតហេតុសាក សួររកអត្តសញ្ញាណ ។
លោកបញ្ជាក់ថា នៅក្នុងខេត្តបន្ទាយមានជ័យភាគច្រើន ជាពលករខុសច្បាប់ ។ បញ្ហា គ្រោះថ្នាក់ដោយថៃបាញ់សម្លាប់ និងគ្រោះថ្នាក់ផ្សេងៗបណ្តាល មកពីការឆ្លងដែន ចូលទឹកដីថៃ ដើម្បីកាប់ឈើគ្រញូងត្រូវបាន ប្រមុខរាជរដ្ឋាភិបាល ឱ្យមាន កិច្ចសហការទាំងកម្លាំងសមត្ថ កិច្ចកម្ពុជាដោយរួមគ្នាទប់ ស្កាត់ ជាមួយកម្លាំងថៃ ។ ចុះ បើយោធាភូមិភាគ៥ ឈរជើង នៅអូរបីជាន់ជាអ្នករៀបចំឱ្យ មានការឆ្លងដែនចូលទៅកាប់ ឈើគ្រញូងនៅទឹកដីថៃទៅ ហើយនោះ សួរថាតើបទល្មើស ឆ្លងដែនចូលទៅទឹកដីថៃដើម្បី កាប់ឈើគ្រញូងគឺជាបទល្មើស មួយដែលមានការពាក់ព័ន្ធជា មួយមន្ត្រីយោធាភូមិភាគទី ៥ ដែរឬអត់ ។ ឬថា សកម្មភាព លោក តុល សារិន ដែលកាង ពលករចំណាកស្រុកឆ្លងចូល ទឹកដីថៃអាចបិទបាំងពីលោក ឧត្តមសេនីយ៍ ប៊ុន សេង មេ បញ្ជាការយោធភូមិភាគទី ៥ បានដោយស្រួលបែបហ្នឹងទើប សកម្មភាពកាងពលករចំណាក ស្រុកចូលទៅកាប់ឈើគ្រញូង នៅទឹកដីថៃយ៉ាងគគ្រឹកគគ្រេង បំពានទៅលើប្រកាសរបស់ ប្រមុខរាជរដ្ឋាភិបាលបានដោយ គ្មានការទប់ស្កាត់អ្វីទាំងអស់ បែបហ្នឹងទៅកើត ។
ជាក់ស្តែងក្រុមអ្នកឆ្លងដែន បានរៀបចំឧបករណ៍រួមមាន កង់ឡានភ្លៅរទេះនិងប៊ូឡុង ដោយដោះចេញស្ពាយឡើងភ្នំ នៅពេលកាប់ឈើគ្រញូងបាន ពួកគេរៀបចំដាក់ភ្លៅរទេះ ចាប់ប៊ូឡុងនិងកង់ឡានដើម្បី ជាមធ្យោបាយអូសឈើគ្រញូង ចេញពីលើភ្នំ ថែមទៀតផង ៕
