រតនគិរីៈ មានករណីគ្រោះថ្នាក់ ចរាចរណ៍មួយ បានកើតឡើងកាលពី វេលាម៉ោង៥ និង៣៥នាទីល្ងាច ថ្ងៃទី២៦ ខែមិនា ឆ្នាំ២០១៤ នៅត្រង់ចំណុចផ្លូវចុះទួល បឹងកំសាន្ត ដែលហេតុការណ៍នេះ បណ្តាលមកពី គោយន្តកែច្នៃ គ្មានស្លាកលេខ មួយគ្រឿង ដឹកដំឡូងបើកបរ ទិសស្របគ្នាជាមួយម៉ូតូ ពីផ្លូវស្រុកអូរជុំ ចូលមកក្រុងបានលុង ហើយមកដល់ ត្រង់ចំណុចកើតហេតុ ផ្លូវចុះទួល ហើយកែងទៀតផង ជាហេតុ ធ្វើឲ្យគោយន្តកែច្នៃ ដឹកដំឡូងទៅប៉ះម៉ូតូ ដែលកំពុងតែជិះ ទិសដៅស្របគ្នា បណ្តាលឲ្យ រងបួសធ្ងន់ និងស្រាលចំនួន៦នាក់ ។ បើតាមអ្នកឃើញ ហេតុការណ៍ក្រឡាប់ គោយន្តកែច្នៃដឹកដំឡូងនេះ បានឲ្យដឹងថា គោយន្តបើកក្នុង ល្បឿនលឿន ហើយផ្លូវចុះទួល និងកែងផងបណ្តាលឲ្យ ក្រឡាប់មកលើម៉ូតូ ម៉ាកស៊ីរ៉ូសគ្មានស្លាកលេខដែលជិះទិសដៅស្របគ្នា ធ្វើឲ្យអ្នកបើកបរម៉ូតូ រងរបួសធ្ងន់ បាក់ជើងនិងបាក់ចង្កេះ ចំណែកឯតៃកុងគោយន្ត រួមនិងកម្មករចំនួន៥នាក់ រងក៏របួសធ្ងន់ ស្រាលផងដែរ ។ ក្រោយពេលកើតហេតុ សមត្ថកិច្ចនគរបាល ការិយាល័យចរាចរ ផ្លូវគោកខេត្តសហការ ជាមួយប៉ូលិសមូលដ្ឋាន ដឹកយកអ្នករងរបួស ទៅមន្ទីរពេទ្យបង្អែកខេត្ត ដើម្បីធ្វើការសង្គ្រោះ បន្ទាន់ភ្លាមៗផងដែរ ៕
ដោយៈ តាំង ឧសារ
