ខេត្តរតនគិរីៈ មន្ត្រីប៉ូលីសប្រចាំការ នៅប៉ុស្តិ៍ច្រករបៀង១៩ បាននឹងកំពុងសប្បាយចិត្ត ក្នុងការប្រមូល យកលុយ បានយ៉ាងច្រើនពីមួយថ្ងៃទៅថ្ងៃ ពីអ្នករកស៊ីបទល្មើស ដឹកឈើប្រណិតខុសច្បាប់ដែលឆ្លងកាត់ តាមប៉ុស្តិ៍ច្រករបៀង១៩នេះ ហើយដោយសារតែ ពូកែខាងរកលុយ ជូនចៅហ្វាយនាយ របស់ខ្លួន ដូចនេះហើយទើប គេអាចឈរជើង នៅប៉ុស្តិ៍ច្រករបៀង១៩នេះ បានយ៉ាងដុះស្លែ ។
បើតាមប្រភព ពីក្រុមឈ្មួញមួយចំនួន បានបង្ហើបឲ្យដឹងថា ពួកគាត់សង្កេតឃើញថា មានម៉ូតូ និងរថយន្ត ដែលប្រព្រឹត្តបទល្មើស ដឹកឈើប្រណិតខុសច្បាប់ យ៉ាងអាណាធិប្បតេយ្យ គគ្រឹកកកគ្រេងមិនឃើញ ប៉ូលីសប៉ុស្តិ៍ច្រករបៀង១៩ ធ្វើការទប់ស្កាត់ រឺបង្ក្រាបឡើយ មានតែដាក់ប៉ុស្តិ៍អង្គុយ រឺចងអង្រឹងចាំ រាប់ក្បាលឡាន ដែលដឹកឈើប្រណិត ខុសច្បាប់ឆ្លងកាត់ យកតែលុយប៉ុណ្ណោះ ។
ជាក់ស្តែងនៅថ្ងៃទី២៤ ខែមិនា ឆ្នាំ២០១៤ វេលាម៉ោង១២ និង៤០នាទីថ្ងៃត្រង់ ក្រុមសារពត៌មានបានតាម ថតឡាន ដែលប្រព្រឹត្តនូវបទល្មើស ដឹកឈើប្រណិតដល់ ចំណុចត្រង់ច្រករបៀង១៩ ហើយប៉ូលីស ប៉ុស្តិ៍ច្រករបៀង១៩ មិនបានសហការ ជាមួយក្រុមសាព័ត៌មានទេ បែរជាបើកភ្លើងខៀវ ឲ្យឡានដឹកឈើ ប្រណិតខុសច្បាប់ ចេញទៅប្រទេសវៀតណាម យ៉ាងរលូន ៕
ដោយៈ តាំង ឧស្សា
