បន្ទាយមានជ័យៈ យ៉ាងហោចណាស់ ក៏មានមនុស្សស្លាប់ពីរនាក់ និងរបួសធ្ងន់ពីរនាក់ ទាំងព្រឹកនៅថ្ងៃទី៨ ខែមិនា ឆ្នាំ២០១៤ ដោយគ្រោះថ្នាក់ចរាចរមួយ គួរឲ្យរន្ធត់នៅលើ កំណាត់ផ្លូវជាតិលេខ៦ ត្រង់ចំណុចខាងលិច សាលាក្រៅត្រង់ផ្លូវលេខ៦A ស្ថិតក្នុងភូមិ០៣ សង្កាត់ព្រះពន្លា ក្រុងសេរីសោភ័ណ្ឌ ខេត្តបន្ទាយមានជ័យ ដែលបង្ករឡើង ដោយម៉ូតូបុកម៉ូតូ ក្នុងទិសដៅស្របទិសគ្នា ។ លោក ស៊ីវ សុជាតិ អធិការនគរបាលក្រុង សេរីសោភ័ណ្ឌ បានឲ្យដឹងថា ជនរងគ្រោះ ដែលស្លាប់ ក្នុងហេតុការណ៏នោះ មានឈ្មោះថា ១.ឡិច ឡើយ ភេទប្រុស អាយុ៣២ឆ្នាំ រស់នៅភូមិ ព្រៃជ្រូក ឃុំព្រៃជ្រូក ស្រុកក្រឡាញ់ ខេត្តសៀមរាប ជានិសិត្ស ២.ឈ្មោះ ហាប់ ភេទប្រុស អាយុ៣២ឆ្នាំ ពុំស្គាល់អត្តសញ្ញាណ ។ (បើកបរម៉ូតូ សេ១២៥) ពណ៌ខ្មៅ សេរី ឆ្នាំ២០០៦ ពាក់ផ្លាកលេខ កំពង់ចាម១D៣៨៨៩ ក្នុងទិសដៅពីកើតទៅលិចយ៉ាងលឿន ដល់ចំណុចកើតហេតុ បានបុកជាមួយ ម៉ូតូមួយគ្រឿងទៀត ម៉ាកសេ១២៥ សេរី២០១៣ ពណ៌ខ្មៅពាក់ផ្លាក់លេខ (ប.ជ) ១H៨៧០៩ អ្នកបើកបរ (មិនស្គាល់អត្តសញ្ញាណ) ក៏បាន បត់ឆ្វេងកាត់មុខ ក្នុងពេលកំពុងធ្វើដំណើរ បណ្ដាលឲ្យរងរបួសធ្ងន់ ។ រីឯជនរងគ្រោះដល់ស្លាប់ ជាអ្នកបុកបានបោកក្បាល ទៅនឹងសសរងបង្កោលភ្លើង បណ្ដាលឲ្យស្លាប់ភ្លាមៗ នៅកន្លែងកើតហេតុ ។
លោកអធិការបានបន្តថា ក្រោយហេតុការណ៍ សមត្ថកិច្ចបានចុះ វាស់វែង និងស្រាវជ្រាវ រកក្រុមគ្រួសារសាច់ញាតិ ដើម្បីមកទទួលយក សាកសពទៅធ្វើបុណ្យ តាមប្រពៃណី និង បញ្ជូនជនរងគ្រោះ របួសធ្ងន់ ទៅសំរាកព្យាបាល នៅមន្ទីរពេទ្យបង្អែក មង្គលបូរី រីឯម៉ូតូទាំងពីរគ្រឿង ត្រូវបានដឹកយកទៅរក្សារទុក នៅអធិការនគរបាលក្រុង សេរីសោភ័ណ្ឌ រង់ចាំការដោះស្រាយ នៅពេលក្រោយ ៕
