បន្ទាយមានជ័យៈ បុរសម្នាក់ត្រូវបាននគរបាលក្រុង ចាប់ឃាត់ខ្លួនកាលពី វេលាម៉ោង ១៥.០០នាទី ថ្ងៃទី២ ខែមិនា ឆ្នាំ២០១៤ នៅភូមិតារាងបាល់ សង្កាត់កំពង់ស្វាយ ក្រុងសេរីសោភ័ណ្ឧ ខេត្តបន្ទាយមានជ័យ ពីបទចាប់ស្រ្តីរងគ្រោះ បម្រុងរំលោភតែមិនបានសំរេច ។ ជនសង្ស័យមានឈ្មោះ ឌៀប សុន្ធា ហៅ រិត ភេទប្រុស អាយុ៣២ឆ្នាំ មានទីលំនៅកន្លែងកើតហេតុ ។ ជនរងគ្រោះមានឈ្មោះ ឆុំ ឆន អាយុ៣៧ឆ្នាំ មានទីលំនៅភូមិតាសែន ឃុំត្រាង ស្រុកកំរៀង ខេត្តបាត់ដំបង ដោយស្រ្តីរងគ្រោះ មានជម្ងឺប្រចាំកាយ បានមកដេកព្យាបាលជម្ងឺ នៅផ្ទះជនសង្ស័យខណៈពេល ម្ដាយមិននៅផ្ទះ ឱកាសល្អនៅវេលាម៉ោងខាងលើ ឃើញស្រ្តីរងគ្រោះនៅម្នាក់ឯង ជនសង្ស័យបានចាប់ស្រ្តីរងគ្រោះ អោបផ្ដួលទៅដី ហើយសម្រាតសំលៀកបំពាក់ ចេញពីខ្លួនអស់បម្រុងរំលោភ តែស្រ្តីរងគ្រោះស្រែកឲ្យគេជួយ ក្នុងពេលនោះ ជនសង្ស័យបានចាប់ក្ដោបមាត់ តែជនរងគ្រោះខាំដៃ ហើយច្របាច់អាអូនតូច ធ្វើឲ្យជនសង្ស័យ ឈឺស្រែក ហើយលែង ពេលនោះជនរងគ្រោះ រើបំរាស់រួចរត់ចេញ ហើយស្រែកឲ្យគេជួយ ទើបសមត្ថកិច្ច មកឃាត់ខ្លួនយក ទៅអធិការដ្ឋាននគរបាល ក្រុងសេរិសោភ័ណ្ឌ សាកសួរ ក្រោយសាកសួរ ជនសង្ស័យបានឆ្លើយសារភាពថា ខ្លួនបានប្រព្រិត្ត ដូចការចោទប្រកាន់មែន ។ បច្ចុប្បន្នជនសង្ស័យកំពុង កសាងសំណុំរឿង បញ្ជូនទៅតុលាការ ដើម្បីចាត់ការតាមច្បាប់ ៕
