បន្ទាយមានជ័យ៖ នៅវេលាម៉ោង ១០.០០នាទីព្រឹក ថ្ងៃទី២៣ កុម្ភះ ឆ្នាំ២០១៤ នៅភូមិព្រៃគប់ ក្រុមកាងារស៊ីម៉ាក់ទីមួយ ប្រចាំខេត្តបន្ទាយមានជ័យ កំទេចមីនតោនចំនួន៣គ្រាប់ មានពីរបំផ្ទុះក្នុង ថ្ងៃតែមួយ។
លោកប៊ុន ណារិទ្ធ ប្រធានក្រុមការងារ ស៊ីម៉ាក់ទីមួយ ប្រចាំខេត្តបន្ទាយមានជ័យ បានប្រាប់អ្នកយក ព័ត៌មានយើងថា ក្រុមការងាររបស់លោក បានទទួលសំណើរ ពីប្រជាពលរដ្ឋ និងមានការចាត់តាំង ពីថ្នាក់លើ ឲ្យក្រុមរបស់លោកចុះមកធ្វើការរាវមីន ដែលមានផ្ទៃដី៣២០៨៨ម៉ែត្រការ៉េ នៅភូមិព្រៃគប់ ចាប់ពី ថ្ងៃទី០៨ ខែមករា ឆ្នាំ២០១៤ មកទល់ថ្ងៃទី២៣ ខែកុម្ភះ ឆ្នាំ២០១៤នេះ ក្រុមលោកបានរាវរក លើផ្ទៃដី ចំនួន១៦០៥៩ម៉ែត្រការ៉េ រកឃើញមីនតូច ប្រភេទអិម១៤ ផលិតនៅប្រទេសអាមេរិកកាំង និងប្រភេទ អិម៧៩ ផលិតនៅ ប្រទេសវៀតណាមចំនួន៩ គ្រាប់ ប្រភេទមីនតោន បានរកឃើញចំនូន៧គ្រាប់ និងបានកំទេចកាលពីពេលមុន អស់៤គ្រាប់ហើយ នៅពេលនេះត្រូវកំទេចចំនួន៣គ្រាប់ទៀត មានពីរបំផ្ទុះ ។ លោកបានបន្តថា លើផ្ទៃដី៣២០៨៨ ម៉ែតការ៉េ និងការរាវរកលើផ្ទៃដី១៦០៥៩ម៉ែត្រការ៉េ រុករកឃើញមីនទាំងតូច ទាំងធំចំនួន២១ក្រាប់ និងបានកំទេចចោលទាំងស្រុង ហើយការកំទេចនេះ បានការចូលរួមពីអាជ្ញាធរ ភូមិវរៈនគរបាលការពារព្រំដែនគោកលេខ៩១១ និងក្រុមស៊ីម៉ាក់ សរុបចំនួន ជាង១០នាក់ ដើម្បីរក្សាបាននៅសេចក្ដីសុខជូន បងប្អូនប្រជាពលរដ្ឋ នៅភូមិមួនចំនួន ក្នុងក្រុងប៉ោយប៉ែត និងខេត្តបន្ទាយមានជ័យ ។ មុនពេលបំផ្ទុះក្រុមរបស់លោក បានប្រកាសតាមមេក្រូឲ្យបងប្អូនប្រជាពលរដ្ឋ មានការប្រុងប្រយ័ត្ន ជៀសឲ្យបានឆ្ងាយប្រាំទៅប្រាំមួយរយម៉ែត្រ ៕
