បន្ទាយមានជ័យ៖ វេលាម៉ោង៩.០០នាទីព្រឹក ថ្ងៃទី២១ ខែកុម្ភះ ឆ្នាំ២០១៤ សមត្ថកិច្ច អ.ហ ក្រុង(ប៉.ប៉) ឃាត់ខ្លួនជនសង្ស័យ២នាក់ ពីបទលួចប្រាក់ ប្រជាពលរដ្ឋ នៅជាយដែន ជនសង្ស័យ ទាំង២នាក់ មានអាជីពជាចោរលួច ជាង១០ឆ្នាំមកហើយ នៅជាយដែននេះ ហើយ ក៏ធ្លាប់ជាប់គុក រាប់ភ្លេច ។ ជនសង្ស័យទាំង២នាក់មានឈ្មោះ ១. ឈ្មោះ ស៊ីម ពៅ ភេទប្រុស អាយុ២០ឆ្នាំ រស់នៅចំណុចផ្លូវរថភ្លើង ខាងមុខវត្តបាលិលេយ្យ ស្ថិតក្នុង ភូមិក្បាលកោះ សង្កាត់ និងក្រុងប៉ោយប៉ែត ខេត្តបន្ទាយមានជ័យ ។ ២. ឈ្មោះ ឡាយ ណុក ហៅឆ្នុក ភេទប្រុស អាយុ៣៣ឆ្នាំ រស់នៅភូមិក្បាលកោះ សង្កាត់ក្រុងប៉ោយប៉ែត ។ យោងតាមបទបញ្ជា របស់មេបញ្ជាការ អ.ហ ខេត្តលោក ហម ម៉ុត មេ បញ្ជាការ អ.ហក្រុង បានបញ្ជុះកម្លាំង ចុះស្រាវជ្រាវ រកចាប់ខ្លួន បងធំឈ្មោះ ឡាយ ណុក ហៅ ឆ្នុកនេះបាន ។ ឆ្លងតាមការ សាកសួរ ជនសង្ស័យទាំង២នាក់ ខាងលើ បានឆ្លើយសារភាពថា ខ្លួនបានលូកយកលុយ ក្នុងហោប៉ៅ ជនរងគ្រោះឈ្មោះ កិត សុធឿន ភេទស្រី អាយុ៤១ឆ្នាំ រស់នៅភូមិគីឡូម៉ែត្រ លេខ៤ សង្កាត់ផ្សារកណ្ដាល ក្រុងប៉ោយប៉ែត ក្នុងពេលដែលជនរងគ្រោះ កំពុងដើរទិញឥវ៉ាន់ក្នុងផ្សារត្រី លួចបានប្រាក់ ៣២៥០០រៀល និងប្រាក់ថៃ៣០០បាត ។ តាមចម្លើយ សារភាព របស់ ឈ្មោះ ស៊ីម ពៅថា ជារៀងរាល់ថ្ងៃ ទីកន្លែងដែលធ្វើសកម្មភាព ពេលព្រឹករូបគេច្រើន ធ្វើសកម្មភាព ចាំលូកហៅប៉ាវពីភ្ញៀវបរទេស ចាប់ពីរង្វង់មូល ដល់ក្បាលស្ពាន ដែលជាច្រកទ្វា ព្រំដែនកម្ពុជាថៃ បើលួចមិនបានប្រាក់ទេ រូបគេត្រូវដូរ កន្លែងមកផ្សារត្រី លុះដល់ពេលល្ងាច ក្រុមពួកគេត្រូវដូរទីតាំង ទៅចាំលួចនៅតាមច្រករបៀង ខាងលិចកាស៊ីណូផ្កាយប្រាំ ដែលជា ច្រកពល ក៏តែងចេញ ពីថៃមកវិញ ពេលលួច បានត្រូវយកទៅបែងចែក ជាមួយបងធំ (បងឆ្នុក) ដើរស៊ីចាយ ជក់ថ្នាំអស់លុយ ដើរធ្វើសកម្មភាពទៀត មានពេលខ្លះ លួចពីភ្ញៀវបានជាដុល្លា ជួនពេលខ្លះ លួចបានជាប្រាក់បាត រាប់ម៉ឺនបាត តែជាប់គុក ក៏រាប់ភ្លេចដែរ ។ ក្រោយពីសាកសួរ ជនសង្ស័យ ត្រូវបានសមត្ថកិច្ច កសាងសំណុំរឿង បញ្ជូនទីបញ្ជាកា រអ.ហខេត្ត ដើម្បីចាត់ការ តាមច្បាប់ជាបន្ត៕
