បន្ទាយមានជ័យ៖ រថយន្តក្រុងមួយគ្រឿង ផ្ទុកឈើក្រញូងបម្រុង ឆ្លងដែន ត្រូវមន្ត្រីជម្នាញឃាត់ខ្លួន ខណៈរដ្ឋបាលព្រៃឈើ បង្ក្រាបនៅ ចំណុចមុខ មន្ទីរហិរញ្ញវត្ថុ ឋិតក្នុងភូមិ ក្បាលស្ពាន សង្កាត់ ព្រះពន្លា ក្រុងសេរីសោភណ័ ខេត្តបន្ទាយមានជយ័ កាលពីព្រឹកថ្ងៃទី១៥ ខែកុម្ភៈ ឆ្នាំ២០១៤ ។
លោក ជា ផល្លី នាយខ័ណ្ឌរដ្ឋបាល ព្រៃឈើខេត្តបន្ទាយមានជ័យ បានឲ្យដឹងថា ដោយមានការព្យាយាម តាមប្រមាញ់មុខសញ្ញា ចរាចរណ៍ឈើក្រញូង ដែលតែងតែចរាចរណ៍ ឆ្លងកាត់ ខេត្តបន្ទាយមានជ័យ និងទទួលបានព័ត៌មានថា មានរថយន្តក្រុងលួចលាក់ ដាក់ឈើក្រញូង លោកបានដឹកនាំ កម្លាំងចាំស្ទាក់តាម ផ្លូវជាតិលេខ៦ ស្ថិតនៅក្នុង មូលដ្ឋាន ខេត្តបន្ទាយមានជ័យ រហូតទាល់តែឃើញមុខ សញ្ញារថយន្ត សង្ស័យខាងលើក៏ចេញស្ទាក់តែរថយន្ត មិនព្រមឈប់ធ្វើឲ្យ សមត្ថកិច្ចរបស់លោក តាមចាប់រហូតដល់ចំណុចមុខ មន្ទីរហិរញ្ញវត្ថុ ខេត្តបន្ទាយមានជ័យ ក្នុងភូមិក្បាលស្ពាន សង្កាត់ព្រះពន្លាទើបស្ទាក់ចាប់បាន ខណៈពេលដែលតៃកុងរថយន្ត បើកទ្វារ រត់គេចខ្លួន ។ រថយន្តដែល សមត្ថកិច្ចស្ទាក់ចាប់បាន ជារថយន្តក្រុង ពណ៌ក្រហមស ពាក់ស្លាកលេខភ្នំពេញ២B៩២៤១ ដែលរថយន្ត បានធ្វើដំណើរចេញ ពីខេត្តសៀមរាប ឆ្ពោះទៅខេត្តនិងរាជធានីដទៃ ទៀតតាមរយៈការឆ្លងកាត់ ខេត្តបន្ទាយមានជ័យ ។ ក្រោយការស្ទាក់ចាប់បាន សមត្ថកិច្ចបាននាំយក រថយន្តមករក្សាទុក នៅខ័ណ្ឌរដ្ឋបាលព្រៃឈើ និងបានធ្វើការត្រួតពិនិត្យ ថ្លឹង និងវាស់វែងឃើញថា ឈើក្រញូងដែលស្តុកទុកនៅក្នុងរថយន្តផ្នែកខាងក្រោម នៃកន្លែងដាក់ឥវ៉ាន់ គឺមានឈើក្រញូងជាដុំជ្រុងរាងទ្រវែង ចំនួន៨៧ដុំ ស្មើនឹង១៥៣១គីឡូក្រាម ឬស្មើនឹង១,១៧៧០ម៉ែត្រគីប ។ បច្ចុប្បន្នទាំងរថយន្តនិងឈើទាំងអស់ កំពុងតែរក្សាទុក នៅខ័ណ្ឌរដ្ឋបាលព្រៃឈើ ដើម្បីកសាងសំណុំរឿងទៅតុលាការ ។ គួរបញ្ជាក់ថា នេះជាករណីលើកទី១ហើយ នៅក្នុងឆ្នាំ២០១៤ ដែលការចរាចរណ៍ ឈើក្រញូងជាទ្រង់ទ្រាយធំ ត្រូវបានមន្រ្តីខ័ណ្ឌរដ្ឋបាលព្រៃឈើ ធ្វើការបង្ក្រាបបាន..។
អ្នកប្រម៉ាញ់ជាយដែន
