សង្គ្រាមពាក្យសម្តីរវាងបក្ស ប្រឆាំង និងបក្សកាន់អំណាច ហាក់ស្តែងឱ្យមជ្ឈដ្ឋានអ្នកតាម ដានមើលឃើញកាន់តែច្បាស់ ចំពោះចេតនានយោបាយដែល លេចចេញជាសញ្ញាវិជ្ជមាន ក្នុងអាណត្តិទី ៥ នេះ គឺអាច នៅសល់តែពីរបក្សប៉ុណ្ណោះ ដែលមានអាសនៈក្នុងរដ្ឋសភា។
ទោះបីថាកម្ពុជាជាប្រទេស ប្រកាន់យករបបប្រជាធិបតេយ្យ សេរីពហុបក្ស ស្ថិតក្រោមដំបូល រាជានិយម ជាមូលដ្ឋានក្តី ប៉ុន្តែ មកដល់រយៈពេលចុងក្រោយ នេះគណបក្សរាជានិយមដែល មានហ្វ៊ុនស៊ិនប៉ិចដឹកនាំ ដោយ រាជបុត្រី អារុណរស្មី និងរាជា និយមថ្មីមួយទៀត ដឹកនាំដោយ សម្តេចក្រុមព្រះ ត្រូវបាត់បង់ អាសនៈទាំងអស់ ដែលជម្រុញ ឱ្យឱកាសបក្សប្រឆាំងដែលទើប រួបរួមគ្នាកើនអាសនៈនៅក្នុងរដ្ឋ សភារហូតដល់ទៅ២៦កៅអី។
ឆ្លងកាត់បទពិសោធន៍ចំពោះ លទ្ធផលសម្លេងឆ្នោតក្នុង អាណត្តិទី៥ គណបក្សប្រជាជន ដែលឈ្នះឆ្នោតហើយត្រូវបាត់ បង់អាសនៈនៅក្នុងរដ្ឋសភា រហូតដល់ ២២កៅអី បានដាក់ ចេញនូវគោលនយោបាយកែ ទម្រង់ស៊ីជម្រៅតម្រូវឱ្យមន្ត្រី ថ្នាក់ក្រោមជាតិ ត្រូវតែគោរព និងអនុវត្តឱ្យបានដាច់ខាតលើ គោនយោបាយចតុកោណជំហានទី ៣ រហូតមានការកែ ទម្រង់គណៈរដ្ឋមន្ត្រីពាក់កណ្តាល អាណត្តិថែមទៀតផង ។
ចំណាត់ការថ្មីនេះត្រូវបាន មជ្ឈដ្ឋានអង្គការក្រៅរដ្ឋាភិបាល និងបក្សប្រឆាំងគាំទ្រ ប៉ុន្តែអ្វី ដែលពួកគេចង់ឃើញ គឺការ អនុវត្តជាក់ស្តែងប្រកបដោយ ប្រសិទ្ធភាពពិតប្រាកដ ។
ទោះបីថាបក្សប្រឆាំងពេល នេះរងការប្តឹងទៅតុលាការ បង្ខំឱ្យមេបក្សលោក សម រង្ស៊ី ត្រូវនិរទេសចេញទៅក្រៅប្រទេស ចំណែកលោក កឹម សុខា ត្រូវសម្ងំនៅក្នុងគណបក្ស សង្គ្រោះជាតិក្តី ប៉ុន្តែការអះ អាងពីជោគជ័យរបស់បក្ស ប្រឆាំង ក្នុងការបោះឆ្នោតឃុំ- សង្កាត់នៅឆ្នាំ២០១៧ និងការ បោះឆ្នោតជាតិក្នុងឆ្នាំ២០១៨ នៅតែបង្ហាញក្តីសង្ឃឹម ព្រោះ ហេតុផលនៃក្តីសង្ឃឹមដែលបក្ស ប្រឆាំងសង្គ្រោះជាតិមានមិន មែនជារឿងចៃដន្យនោះឡើយ ដោយបក្សដែលធ្លាប់តែកើន អាសនៈមួយនេះធ្លាប់ប្រកូក ប្រកាសជាសាធារណៈថាទោះ គ្មានមេបក្សប្រឆាំងក៏នៅមាន អ្នកបន្តវេនរាប់ម៉ឺនលាននាក់ ទៀត ដូច្នេះមិនគួរភ័យខ្លាចថា រាស្ត្រមិនគាំទ្រនោះឡើយ ។
សរុបសេចក្តីទៅមជ្ឈដ្ឋាន ជាតិនិងអន្តរជាតិបាននិងកំពុង តាមដានពីស្ថានការនយោបាយ នៅកម្ពុជា យ៉ាងយកចិត្តទុក ដាក់ ពិសេសគឺការបោះឆ្នោត ដោយសេរីត្រឹមត្រូវនិងយុត្តិធម៌ ស្របតាមឆន្ទៈប្រជាពលរដ្ឋជាង ១០លាននាក់ក្នុងន័យបញ្ចៀស អោយបាននូវការខ្វែងគំនិតគ្នា ចំពោះលទ្ធផលសម្លេងឆ្នោតនា ឆ្នាំ២០១៨ខាងមុខ ៕
