​យុទ្ធសាស្ត្រ​បក្សប្រឆាំង​អាច​ធ្វើ​សកម្មភាព​នៅ​ក្រោយ​ការសម្រេច​បង្កើត គជប ថ្មី​ទើប​ល្អ​

ដោយ​ ៖ ជាតិ​
​គោល​នយោបាយ​សំខាន់ៗ  ដែល​បក្ស​ប្រឆាំង​សង្គ្រោះ​ជាតិ ធ្លាប់​បាន​សន្យា​ជាមួយ​ប្រជាពលរដ្ឋ ដែល​អាច​ស្រូបយក  សម្លេងគាំទ្រ​ពី​សំណាក់​ប្រជា ពលរដ្ឋ​ឱ្យ​កើន​សម្លេង​ពី ២៩ កៅអី ក្នុង​អាណត្តិ​ទី ៤ រហូត  អាច​លោត​ផ្លោះ​ដល់​ទៅ ៥៥  កៅអី​ក្នុង​អាណត្តិ​ទី ៥ ដោយ ផ្អែក​លើ​គោលនយោបាយ​រួម គ្នា​រវាង​បក្ស​សមរង្ស៊ី​និង​បក្ស សិទ្ធិមនុស្ស ។ ទោះបី​ថា​គោល  នយោបាយ​នៃ​គណបក្ស​ទាំង​ពីរ មុន​ការច្របាច់បញ្ចូល​ឱ្យក្លាយ ជា​បក្ស​សង្គ្រោះ​ជាតិ​គឺមាន ទិសដៅ​ដូចគ្នា​លើ​ចំណ​ចុ​ខ្លះក៏ ពិតមែន ! ប៉ុន្តែ​ចំណាប់អារម្មណ៍  ពី​មជ្ឈដ្ឋាន​អ្នកគាំទ្រ​នោះ​គឺជា ក្រុម​បញ្ញាវ័ន្ត​ដែល​ផ្តោត​ទៅ លើ​ការទាមទារ​ដែន​អធិបតេយ្យ ភាព​ឱ្យ​មាន​ភាពច្បាស់លាស់ ដែល​បក្ស​ទាំង​ពីរ​តែង​ប្រកាស ចង់បាន​និង​ជម្រុញ​ឱ្យ​រាជ​រដ្ឋា​ភិ បាល​ដែល​ដឹកនាំ​ដោយ​គណបក្ស ប្រជាជន​កម្ពុជា​ធ្វើ​ការសម្រេច ចិត្ត ។​

​នៅ​មាន​ចំណុច​មួយទៀត  ដែល​ទទួលបាន​ការគាំទ្រ​ពី​ក្រុម បញ្ញាវ័ន្ត គឺ​ជនអន្តោប្រវេសន៍  ដែល​សំដៅ​ទៅលើ​ជនជាតិ វៀតណាម​ដែល​មក​សង់​លំនៅ ដ្ឋា​ន​ខុសច្បាប់​ជាក់ស្តែង​ក្នុង​រដ្ឋ ធ​ម្មនុ​ញ្ញែ​ដល​កំណត់​ក្នុង​មាត្រា ច្បាប់ គឺ​ស្ទឹង បឹង ទន្លេ សមុទ្រ  គឺ​ជា​សម្បត្តិ ប៉ុន្តែ​ពួក​ជន​អ​ន្តោ  ប្រវេសន៍​យួន​អាច​មក​សង់​លំនៅ ដ្ឋា​ន​នៅ​បឹង​ទន្លេសាប​ក្នុង​តំបន់ ឆ្នុក​ទ្រូ និង​កំពង់ហ្លួង​រាប់ពាន់  គ្រួសារ​បាន​បើ​ប្រៀបធៀប​ទៅ នឹង​ពលរដ្ឋ​ខ្មែរ​ដែល​សង់​លំនៅ ដ្ឋា​ន​នៅ​តំបន់ បឹងកក់ គឺជា  សញ្ញា​បង្ហាញ​ឱ្យឃើញ​ពី​ភាព មិន​ច្បាស់លាស់​របស់​រាជ​រដ្ឋា​ភិ បាល​ដែល​ដឹកនាំ​ដោយ​គណបក្ស ប្រជាជន​កម្ពុជា​រួចស្រេច​ទៅ ហើយ ។

​សកម្មភាព​អវិជ្ជមាន​ខាង លើ​នេះ​ត្រូវបាន​មន្ត្រីជាន់ខ្ពស់ គណបក្ស​ប្រជាជន​ធ្វើ​ការឆ្លើយ តប​ជាមួយ​អ្នកកាសែត​ថា ជា  រឿង​គ្រោះថ្នាក់​ធ្ងន់ធ្ងរ​ផងដែរ  ប៉ុន្តែ​លោក​មិន​បាន​បញ្ជាក់​ឱ្យ ដឹង​ពី​ដំណោះស្រាយ​ណាមួយ ឡើយ ។​

​ចំណែក​ការគាំទ្រ​លើ​គោល  នយោបាយ​ថ្មី​គឺ​ភាគច្រើន​ចេញ ពី​គណបក្ស​សិទ្ធិមនុស្ស​របស់ លោក កឹម សុខា ដើម្បី​ធានា ឱ្យ​មន្ត្រីរាជការ​មាន​ប្រាក់ខែ ចាប់​ពី​មួយ​លាន​រៀល​និង​កម្ម ករចាប់​ពី ១៥០​ដុល្លារ រួមទាំង ចាស់ៗ​ចាប់ពី​អាយុ ៦៥​ឆ្នាំ គឺ តម្រូវឱ្យមាន​ប្រាក់​សង្គមកិច្ច  ឧបត្ថម្ភ​ជំហាន​ដំបូង​ក្នុង​មួយខែ  ៤​ម៉ឺន​រៀល ។ ដោយសារ​ចំណុច  ធំៗ​ខាងលើ​នេះ​ហើយ​ទើប​បក្ស សង្គ្រោះ​ជាតិ​ដែល​រួម​បញ្ចូល គ្នា​រវាង​បក្ស សម រង្ស៊ី និង​បក្ស  សិទ្ធិមនុស្ស​រួមបញ្ចូល​គ្នា​អាច បង្កើន​សម្លេងគាំទ្រ​បាន​រហូត ដល់​ជិត ១០០​ភាគរយ​នៃ​ចំនួន  សម្លេង​គាំទ្រ​ដែល​បក្ស​ទាំងពីរ មាន​នោះ ។​

​បច្ចុប្បន្ន​គណបក្ស​សង្គ្រោះ  ជាតិ​មិន​អាច​ប្រើ​យុទ្ធសាស្ត្រ  ដើម្បី​បន្ត​ស្វែងរក​ការគាំទ្រ​ពី មជ្ឈដ្ឋាន​ប្រជាពលរដ្ឋ​បាន​នៅ ឡើយ​ទេ ស្របពេល​ដែល​ការ  កែទម្រង់​ប្រព័ន្ធ​គណកម្មការ​ធិ ការរៀបចំ​ការបោះឆ្នោត​នៅ មិនទាន់​មាន​ការឯកភាព​គ្នា ទាំងស្រុង ។ ក្រុមអ្នកតាមដាន  និង​វិភាគ​នយោបាយ​លើរ​បត់ គណបក្ស​ជាប់​ឆ្នោត​ទាំងពីរ  ពិសេស​គឺ​គណបក្ស​ប្រឆាំង សង្គ្រោះ​ជាតិ​ថា​មិនគួរ​ប្រញាប់ ធ្វើ​សកម្មភាព​ស្វែងរក​សម្លេង គាំទ្រ​មុន​ការសម្របសម្រួល  ឈានទៅ​បង្កើត​គណ​កម្មា​ធិ ការ​ជាតិ​រៀបចំ​ការបោះឆ្នោត ដែល​កំពុង​មាន​ចំណុច​ប្រទាញ ប្រទង់​គ្នា​នោះ​ឡើយ​បើ​ទោះបី ជា​ភាគរយ​មាន​ការសម្រេច ឯកភាព​គ្នា​ច្រើន​ទៅ​ហើយ​ក្តី ។​

​តាមពិត​ទៅ​យុទ្ធសាស្ត្រ  ដែល​បក្ស​សង្គ្រោះ​ជាតិ​ត្រូវ​បន្ត ធ្វើ​គឺ​គ្មាន​អ្វី​ខុស​ប្លែក​ពី​អ្វី​នៅ​ក្នុង ការកំណត់​ទិសដៅ​កាលពី អាណត្តិ​ទី ៥ ដែល​កន្លង​ហួស  ទៅ​ហើយ​នោះ​ទេ ! ពិសេស​គឺ មានតែ​ការបកស្រាយ​ចំពោះ បញ្ហា​មួយចំនួន​ដែល​បក្ស​សង្គ្រោះ ជាតិ​ធ្វើ​ការសម្រេចចិត្ត​ចូលក្នុង សភា​ឱ្យ​មាន​ភាពទូលំទូលាយ ដើម្បី​ឆក់យក​ឱកាស​ស្វែងរក ជ័យជំនះ​នា​ឆ្នាំ​២០១៧ និង ២០១៨ ខាង​មុខ​តែប៉ុណ្ណោះ​។   បើសិនជា​ការ​ឯកភាព​លើ​ការ ចរចា​ដើម្បី​ឈានទៅរក​ការកែ ទម្រង់​ត្រូវ​បញ្ចប់​នៅ​បំណាច់ ខែ​កុម្ភៈ​ដូច​ការគ្រោងទុក​មែន នោះ បញ្ហា​យុទ្ធសាស្ត្រ ដើម្បី  បន្ត​បញ្ជ្រាប​គោលនយោបាយ រួម​ទាំង​ឆន្ទៈ​ដែល​បក្ស​សង្គ្រោះ ជាតិ ត្រូវ​ស្វែងរក​ការគាំទ្រ គឺ ពិតជា​មាន​ពេល​គ្រប់គ្រាន់​និង ទំនុកចិត្ត​ទោះ​ថា​មាន​ការជំទាស់​ពី​គូ​បក្ខដិ​បក្ខក៏​មិនមាន លក្ខណៈ​ធ្ងន់ធ្ងរ​ដូច​បច្ចុប្បន្ន​ដែរ​។​

​កាលៈទេសៈ​និង​ពេលវេលា  តម្រូវ​ឱ្យ​បក្សនយោបាយ​នី​មួយ ៗ​ត្រូវ​ចេះ​ប្រើ​ពេលវេលា​ឱ្យបាន សមស្រប​ទើប​អាច​កំណត់​ទិស ដៅ​ប្រកបដោយ​ភាព​ជោគ ជ័យ​បាន ។ ពុំ​ុ​នោះទេ ការប្រើ  ពេលវេលា​មិន​សមស្រប​គឺជា បច្ច័យ​អាក្រក់​ដែល​មិន​អាច សម្រេច​គោលដៅ​បាន​ដែល តម្រូវ​ឱ្យ​បក្សប្រឆាំង​សង្គ្រោះ ជាតិ មិនចាំបាច់​តក់ក្រហល់  ចំពោះ​ស្ថាន​ការ​ណាមួយ​ដែល បាន​កើត​ឡើង​រហូត​ដល់​ភ្លេច គិត​ពី​ពេលវេលា​សមស្រប​នោះ ឡើយ ។ ព្រោះ​ភាពចាំបាច់  ដែល​បក្ស​ប្រឆាំង​សង្គ្រោះ​ជាតិ ត្រូវ​បន្ត​ឈាន​ទៅរក​ការបញ្ចប់ ឱ្យបាន​នៅ​ពេល​នេះ​គឺ​ការបង្កើត គណកម្មាធិការ​រៀបចំ​ការបោះ ឆ្នោត​ស្រប​តាម​ការកែទម្រង់ ដែល​បក្ស​ប្រឆាំង​ចង់បាន​ទោះ បី​ថា មិនបាន ១០០​ភាគរយ ក៏​អាច​ចាត់ទុកបាន​ថា​មានការ កែ​ទម្រង់​មួយ​ភាគ​ធំ​ដែល​អាច ទទួលយក​បាន​ផង​ដែរ ៕

Filed in: ព័ត៌មានក្នុងប្រទេស, ព្រឹត្តិការណ៏នយោបាយ, ព្រឹត្តិការណ៏​ព័ត៌មានថ្មី
© 2024 La Presse Nationale. All rights reserved. XHTML / CSS Valid.