ដោយ ៖ ជាតិ
បាត់ដំបង ៖ តាមប្រភពព័ត៌មានពីបន្ទាត់ព្រំដែន ស្រុកសំឡូតបានឲ្យដឹងថា នៅច្រករបៀង៤០០ ក្នុង ភូមិឆករការ ឃុំសំឡូត ស្រុកសំឡូត មានឈ្មួញនាំឈើគ្រញូង ពីប្រទេសថៃយ៉ាងអនាធិបតេយ្យស្ទើររាល់យប់ ហើយឮថា ការរកស៊ីគ្រញូងនោះមានឧកញ៉ា ខ្លះជាប់ពាក់ព័ន្ធជាអ្នករកស៊ី និងមានការបើកភ្លើងខៀវ ពីសមត្ថកិច្ចពិសេសមន្ត្រីយោធាលំ ដាប់ផ្កាយ ២ ម្នាក់ ។
ប្រភពខាងលើបង្ហើបថា ការនាំចេញឈើគ្រញូងពី ប្រទេសថៃ តាមច្រករបៀងច្រក ៤០០ នេះ មាន បុគ្គលម្នាក់ឈ្មោះ ហួត ភេទប្រុស ជាអ្នករត់ការ ហើយអះអាងថា ខ្លួនជាប៉ូលិសក្រសួងនិងជាមេ ការជំនួសឧកញ្ញ៉ាម្ចាស់ឈើគ្រញូងទាំងឡាយទាំងពួង ដែលកំពុងរកស៊ីឈើគ្រញូងបំពានអនុសាសន៍ ប្រមុខរាជរដ្ឋាភិបាល ។
ពាក់ព័ន្ធការនាំឈើគ្រញូងពីប្រទេសថៃនេះ នៅច្រករបៀង ៤០០ ប្រភពប្រាប់ថា ឈ្មោះផលខាង លើជាអ្នករត់ការផ្ដាច់មុខ សូម្បីតែអ្នកធំលំដាប់ផ្កាយ ២ ក៏គេមានទឹកមាត់ប្រៃក្នុងការនិយាយឲ្យ បញ្ជាមកថ្នាក់ក្រោម ដើម្បីដកកម្លាំងដែលចង់ឆាឆៅការរកស៊ីរបស់គេទៀតផង ។
ប្រភពដដែលប្រាប់ថា កាលពីយប់ថ្ងៃទី ០៧ មិថុនា ឆ្នាំ២០១៣ នៅច្រករបៀងខាងលើមានគេនាំ ចេញឈើគ្រញូងជាច្រើនម៉ែត្រគូបពីប្រទេសថៃ យកមកលាក់ទុកនៅមាត់ច្រករបៀង លុះមានស្ថា-ប័នមួយប្រុងចូលទៅទីនោះ ដោយសំអាងលើមានឯកសារកិច្ចសហការ ពីអាជ្ញាធរនិងអង្គភាព យោធានៅទីនោះ ស្រាប់តែឈ្មោះផល ទូរស័ព្ទទៅមន្ត្រីយោធាផ្កាយ ២ ម្នាក់ បន្ទាប់មកលោកធំម្នាក់ នោះក៏បញ្ជាឲ្យយោធាមួយចំនួនដកកម្លាំងអស់ ឯស្ថាប័នមួយដែលទទួលបានឯកសារកិច្ចសហ ការណ៍ពីអាជ្ញាធរ នឹងមានការស៊ីញេពីមន្ត្រីយោធាលំដាប់ផងនោះ ត្រូវបានគេសុំដកឯកសារវិញ នៅព្រឹក បន្ទាប់ពីយប់កើតហេតុ ព្រោះដឹងថា ការស៊ីញ៉េរួចហើយនោះ វារំខានដល់ផលប្រយោជន៍ របស់ខ្លួន។
ប្រភពប្រាប់ថា ក្នុងចំណោមឧកញ្ញ៉ាជាច្រើន មានឧកញ៉ាម្នាក់នៅខេត្តបាត់ដំបង ជាមេជំនួញធំជាង គេនិងមានសមត្ថកិច្ចនៅបន្ទាត់ព្រំដែនម្នាក់ជាអ្នកបើកដៃ ឬបើកភ្លើងខៀវ ។
ជុំវិញប្រភពពត៏មានខាងលើ កាសែតជាតិ មិនអាចរកការបំភ្លឺពីមន្ត្រីឬសមត្ថកិច្ចណាម្នាក់នៅបន្ទាត់ ព្រំដែនខាងលើបានទេ តែបានទទួលពត៏មាន ៧០% ហើយប៉ុន្តែសុំលាក់ឈ្មោះអ្នកជាប់ពាក់ព័ន្ធ មួយចំនួនសិនលេខក្រោយនិងសសេរឲ្យលម្អិត ។
ប្រភពនានាជាច្រើនប្រាប់ថា ច្រករបៀងដែលនាំចេញឈើគ្រញូងពីប្រទេសថៃខ្លាំងជាងគេ គឺច្រក របៀង៤០០ខាងលើនេះឯង ៕
