ដោយ ៖ជនអនាមឹក
ច្បាស់ណាស់ថា ថៅកែ កាត់ដេរសម្លៀកបំពាក់នាំចេញ ទៅក្រៅប្រទេសភាគច្រើន រហូតដល់ ៩៩ភាគរយ គឺជា ជនបរទេស គឺភាគតិចណាស់ ដែលមានខ្មែរធ្វើជាថៅកែ រោងចក្រដើម្បីនាំសម្លៀក បំពាក់ចេញទៅក្រៅប្រទេស។ ប៉ុន្តែផ្អែកលើតម្រូវការរបស់ ថៅកែរោងចក្រកាត់ដេរសម្លៀក បំពាក់ភាគច្រើនដែលជាជន បរទេសគឺពឹងផ្អែកទៅលើផ្នែក រដ្ឋបាលនៃរោងចក្រដែលជា ជនជាតិខ្មែរ ពិសេសគឺគណនេយ្យបើកលុយឱ្យកម្មករដែល ជាជនជាតិខ្មែរផងដែរ ។
ឆ្លងកាត់ដំណើរការរោង ចក្រកាត់ដេររយៈកាលកន្លង មក គឺផ្ទុះបាតុកម្មជាច្រើនលើក គឺមិនដែលឃើញស្ថាប័នក្រសួង ការងារឬសមាគមកាត់ដេរ ទម្លាក់កំហុសទៅលើរដ្ឋបាល រោងចក្រដែលជាជនជាតិខ្មែរ ឬគណនេយ្យរោងចក្រនោះ ឡើយ គឺរាល់ទំនាស់ស្វែងរក ការបាត់បង់ផលប្រយោជន៍ ទាំងសហជីពនិងសមាគមរួម ទាំងក្រសួងតែងផ្តោតតែទៅ លើថៅកែរោកចក្រដែលរូប គាត់សូម្បីតែភាសាខ្មែរក៏មិន ចេះនិយាយផង ។
បើផ្អែកតាមការបញ្ជាក់ ឱ្យដឹងពីក្រុមបាតុកម្មនៅរោង ចក្រកាត់ដេរក្នុងឃុំវិហារ សួគ៌ ស្រុកខ្សាច់កណ្តាល រយៈពេល កន្លងមកបន្ទាប់ពីតំបន់មួយនេះ ត្រូវបានអភិវឌ្ឍន៍ឱ្យមានរោង ចក្រព្រោងព្រាតបានបញ្ជាក់ថា ការធ្វើបាតុកម្មរបស់កម្មករគឺ ផ្តើមចេញពីការបាត់សាច់ប្រាក់ ប្រចាំខែ និងប្រាក់ថែមម៉ោង ។
នារីម្នាក់សុំមិនបញ្ចោញឈ្មោះដែលកំពុងចូលរួមក្នុងបាតុកម្មបានបញ្ជាក់ចំៗថា នាងមិនខឹងជាមួយថៅកែរោងចក្រនោះឡើយ ពិសេសគឺពួករដ្ឋបាលនិងគណនេយ្យដែលជាជន ជាតិខ្មែរតែម្តងដែលជាអ្នក កេងប្រវ័ញ្ចយកប្រាក់ខែនិង ប្រាក់ថែមម៉ោងរបស់នាងរួម ទាំងប្រាក់លើកទឹកចិត្តក្នុងពិធី បុណ្យចូលឆ្នាំថែមទៀតផង ។ ព្រោះថាកែបរទេសគេមកបើក រោងចក្រគឺគេមិនធ្វើថោក នោះទេ ។
ផ្ទុយទៅវិញ គឺពួករដ្ឋបាល និងគណនេយ្យដែលមកចូលធ្វើ ការដំបូងគឺជិះឡានកញ្ចាស់ចង់ ថោកជាងម៉ូតូនាងផង ប៉ុន្តែ ឥឡូវូវាមានលឿនពេករហូត ទិញឡានទំនើបជិះដែលមាន តម្លៃរហូតដល់ ១០ម៉ឺនដុល្លារ ឯណោះ ។ តែទោះជាយ៉ាង ណាបើទោះជាមូលហេតុខាង លើបង្កឱ្យមានបាតុកម្មក្តីក៏ ក្រសួងការងារនិងបណ្តុះ បណ្តាលវិជ្ជាជីវៈរួមទាំងសមា គមកាត់ដេរនិងក្រុមប្រឹក្សា អាជ្ញាកណ្តាលពុំដែលបានលើក យកករណីទំនាស់ដែលបង្ក ឡើងដោយផ្នែករដ្ឋបាលរោង ចក្រនិងគណនេយ្យមកធ្វើការ ពិនិត្យដើម្បីឈានទៅរកការ ដោះស្រាយឱ្យមានប្រសិទ្ធភាព ឡើយ ។ មានការអះអាងថា ខាងរដ្ឋបាលរោងចក្រនិងគណ នេយ្យដែលពុំឃើញមានចំណែក ក្នុងកំហុសឆ្គងបង្កឱ្យមានបាតុ កម្មត្រូវមជ្ឈដ្ឋានមួយចំនួនធ្វើ ការអះអាងថា ពួករដ្ឋបាលនិង គណនេយ្យដែលជាជនជាតិខ្មែរ គឺមានទំនាក់ទំនងស្អិតរមួតជា មួយមន្ត្រីអធិការកិច្ចក្រសួងរួម ទាំងសមាគមអ្នកកាត់ដេរថែម ទៀតផងទើបធ្វើឱ្យកំហុសឆ្គង ដែលពួកគេបង្កឡើងធ្លាក់ទៅ លើតែថៅកែរោងចក្រដែល អត់ចេះនិយាយភាសាខ្មែរបែប ហ្នឹង ។
ប្រសិនបើអំពើពុករលួយ អាចធ្វើឱ្យអ្នកបង្កកំហុសឆ្គងរួច ខ្លួនហើយកំហុសឆ្គងទាំងប៉ុន្មាន ធ្លាក់ទៅលើអ្នកដែលមិនបាន ប្រព្រឹត្តទៅវិញនោះគឺជា ចំណែកមួយដែលក្រសួងការ ងារត្រូវតែទទួលខុសត្រូវចំពោះ បាតុកម្មដែលផ្តើមចេញពីកម្ម ករ ព្រោះរោគសញ្ញាពិតប្រាកដ ក្រសួងការងារបានមើលរំលង បង្កកំហុសឆ្គងទៅអ្នកផ្សេង ទោះមានបំណងដោះស្រាយ យ៉ាងណាក៏មិនអាចបញ្ចប់ ជម្លោះស្ថិតក្រោមរូបភាពស្វា ស៊ីបាយរួចលាភមាត់ពពែនេះ បានឡើយ ៕
