លើកទឹកចិត្ត នគរបាល​ ចូលនិវត្តន៍ និងប្រជាការពារភូមិ នៅអធិការដ្ឋាន ស្រុកព្រៃនប់

 

 

ដោយ: លី សុះម៉ន

ខេត្តព្រះសីហនុ៖ កាលពីថ្ងៃទី​ ៣០ ខែ​កញ្ញា​ ឆ្នាំ​ ២០១៩ នៅឯ​អធិការដ្ឋាន​នគរបាល​ស្រុក​ព្រៃនប់​ ខេត្ត​ព្រះសីហនុ​ មាន​ការ​រៀបចំ​ពិធី​ពិសា​អាហារ​សាមគ្គី​ជូនដល់​មន្ត្រីរាជការ​ដែល​ចូលនិវត្តន៍​ព្រមទាំង​ប្រជាការពារ​ក្នុងស្រុក​ព្រៃនប់​ ខេត្តព្រះសីហនុ​។ ពិធី​អាហារ​សាមគ្គី​នេះ​ក្រោមការ​ឧបត្ថម្ភ​ពីសប្បុរសជន​ក្នុងខេត្ត​និងក្នុងស្រុក​ព្រៃនប់​ ដោយក្រោមការ​រៀបចំ​ពី​លោក​ ហួ យ៉ៃ​ អធិការនគរបាល​ស្រុក​ព្រៃនប់​ផងដែរ​។

មន្ត្រីនគរបាលចូលនិវត្តន៍ចំនួន៥៥នាក់ ត្រូវបានទួលការឧបត្ថម្ភជាថវិកា និងប្រជាកាពាភូមិទាំង១៥ឃុំក្នុងស្រុកចំនួន៣៥០នាក់ត្រូវអញ្ជើញចូលរួមហូបអាហារសាមគ្គី ជាមួយគ្នារួមទាំងកំលាំងនៅតាមបណ្តារប៉ុស្ត៍រដ្ឋបាលទាំង១៥ឃុំ ដែលនេះត្រូវបានលោកវរសេនីយ៍ទោ ហួ យ៉ៃអធិការនគរបាលស្រុកព្រៃនប់ ដែលជាអ្នករៀបចំកម្មវិធីថ្លែងថា ជាកាថ្លែងអំណរគុណដល់កំលាំងនគរបាល រួមទាំងកំលាំងប្រជាកាពារភូមិទាំងអស់ដែលជួយរក្សាកាពារសន្តិសុខសុវត្ថិភាពនិងសណ្តាប់កន្លងមកជាពិសេសក្នុងរដូវបុណ្យភ្ជំបិណ្ឌដែលទើបនឹងបញ្ចប់ពីម្សិលនេះ។ កម្មវិធីនេះក្រៅពីមន្ត្រីនគរបាល កំលាំងប្រជាកាពារក៍មានការចូលរួមពីបណ្តាញពត៌មានមួយចំនួនមកពីខេត្តព្រះសីហនុ និងភ្ញៀវជាកិត្តិយសជាច្រើននាក់ប្រកបដោយភាពសប្បាយរីករាយ ។

ក្នុង​ពិធីនេះ​ផងដែរ​ក៏មាន​ការ​លើកទឹកចិត្ត​ចំពោះ​កងកម្លាំង​ប្រជាការពារដែលសព្វថ្ងៃបានជួយដល់ កងកម្លាំង​ប៉ូលិស​ នគរបាល​ កងរាជអាវុធហត្ថ​ ក្នុង​ការបង្ក្រាប ​និង​ទប់ស្កាត់​រាល់ ​បទល្មើស​ផ្សេងៗ​និង​ការ​សម្រួល​ធ្វើ​ចរាចរណ៍​ គ្រប់​គោលដៅ​ផងដែរ​ ជាក់ស្ដែង​ដូចជា​ការ​ចុះ​អនុវត្តន៍​ រៀបចំ​សណ្ដាប់ធ្នាប់​ សាធារណៈ​តាម​ដងផ្លូវ​ជាតិ​៤ ចំណុចមុខ​ផ្សារ​វាលរេញ និង​ តាម​ពិធី​បុណ្យ​ ឬ​ ពិធី​មង្គលការ​ផ្សេងៗ​ក្នុង​ភូមិ​ ឃុំ​ ស្រុក​ ប្រកបដោយ​សុខ​សុវត្ថិភាព​ទៀតផង​​។ ដើម្បី​បញ្ជាក់​ពីភាពក្លាហាន​របស់​កម្លាំង​ប្រជាការពារ​ទាំងនេះ​ទើបលោក​អធិការ​នគរបាល​បាន​រៀបចំ​ឲ្យ​មាន​ការអាហារ​សាមគ្គី​នេះឡើង​មិនតែប៉ុណ្ណោះ​ក៏បាន​ឧបត្ថម្ភ​ថវិកា​បន្តិចបន្តួច​ជូនពួក​គាត់​ដើម្បី​ដោះស្រាយ​សម្រួលបញ្ហា​ខ្វះខាតក្នុង​គ្រួសារ​របស់​បងប្អូន​យើង​៕

Filed in: ព័ត៌មានសំខាន់ៗ, ព័ត៌មានសង្គម
© 2019 La Presse Nationale. All rights reserved. XHTML / CSS Valid.